錢記錢果

by admin | 4 月 12, 2026 | Blog, 外賣, 深圳, 甜品

深圳水圍 12/4/2026 18:00

點評免費菜

上次食過不錯，特登再過黎試多一次。揀咗三款人氣極高嘅口味：紫薯綠豆餅、紅豆餅同抹茶綠豆餅。
外皮烤得金黃酥脆，層層疊疊嘅酥皮喺嘴裡瞬間化開。入面嘅內餡綿密，味道微甜，外酥內軟，食起嚟極度順滑而且完全唔覺得膩口。
紫薯同清新嘅綠豆結合，微甜同綠豆嘅清香好夾。
呢款內餡保留咗部分紅豆嘅顆粒感，濃郁嘅紅豆香氣。
翠綠色澤，味道甘甜，有茶味，非常清爽，有驚喜。

深圳水圍 15/3/2026 17:00

點評送兩份免費試。

餅皮薄得嚟層次分明。大啖咬落去，酥皮即刻喺嘴入面化開，入面滿滿嘅綠豆蓉，口感超級綿密幼滑。最抵讚嘅係佢哋將甜度控制得啱啱好，保留咗綠豆本身嘅天然清香，食落去清甜而不膩。有多款口味配搭，咸、甜、紅豆、玫瑰等。

華潤堂健康驛站

by admin | 4 月 12, 2026 | Blog, 外賣, 深圳, 飲品

深圳信悅匯 12/4/2026 17:30

華潤堂健康驛站主打加入紅參嘅健康飲品，點評霸王餐試新品!

芒芒清椰露﹕揀左冰版，滿滿熱帶風情，清爽果香，芒果濃郁鮮甜，食得出新鮮芒果肉，軟滑多汁，配上清甜嘅椰露底，椰汁奶香平衡左芒果嘅酸甜，唔會覺得膩口，每一啖都充滿清涼消暑暢快感。

暖暖雪燕乳﹕飲品暖暖的，飲品集合左雪耳、燕窩、紅參同鮮牛乳，只看成分就覺得非常滋補。鮮牛乳質地極度絲滑，帶有天然濃郁奶香。食得出雪耳同燕窩嘅質感，真材實料，為飲品增添左豐富微彈口感。最特別係加入左紅參，帶來一絲淡淡甘甜，香氣幾獨特，感覺幾滋潤。

溏心甜舖

by admin | 4 月 12, 2026 | Blog, 深圳, 甜品

深圳中航城 12/4/2026 14:30

點評0元探店

芝麻大滿貫：碗入面全部都係超級豐富嘅配料，有香濃嘅芝麻奶凍、滋潤嘅桃膠、煙韌嘅白玉同鮮甜嘅芒果，加上醇厚嘅水牛奶。芝麻奶凍非常香滑，味道超燶郁；桃膠同白玉一軟一彈，咬落去好爽口；芒果鮮甜微，天然果香。

泰國椰皇炒冰：用清甜嘅椰子水同椰奶整成炒冰，有天然嘅椰香，甜度啱啱好，完全唔會膩。上面鋪滿新鮮嘅椰肉同甜到爆嘅芒果肉，爽脆嘅椰肉配埋軟熟多汁嘅芒果，冰涼又消暑解渴，充滿熱帶風情。

玫瓏蜜瓜炒冰：炒冰係玫瓏蜜瓜清新冰底，食得出蜜瓜味，但冰感較重。面仲有芒果肉同波波珠，味道酸酸甜甜，配埋綿密嘅蜜瓜冰，口感豐富。

荀喜

by admin | 4 月 12, 2026 | Blog, 小食, 深圳, 甜品

深圳中航城 12/4/2026 14:00

點評0元探店

黑芝麻雞蛋仔：雞蛋仔即叫即製，新鮮熱辣辣，雞蛋仔烤得極度金黃酥脆，粒粒圓轆轆，賣相超靚。外殼香脆，中間粉漿就保持住綿密軟熟嘅煙韌口感，外脆內軟。麵糊中加入咗大量研磨得極為細緻嘅黑芝麻，甜度控制得剛剛好，配搭濃烈嘅芝麻香，好食到完全停唔落嚟。

鴨屎香芝麻糊：原來係杯裝飲品上面加左芝麻奶凍，黑芝麻糊細緻綿密，入口順滑，但食得出有顆粒感，味道微甜又夠芝麻甘香，不錯。碗中搭配嘅芝麻奶凍更加正，奶凍嘅質地滑溜，芝麻更加濃縮，超正!

春熙台

by admin | 4 月 12, 2026 | Blog, 小食, 深圳, 韓國菜

深圳福田 Coco Park 12/4/2026 11:30

點評積分換霸王餐。

春熙台呢份小食五併極具誠意，包含了韓式魚片、厚燒玉子、麻油炒菜、香煎小魚與經典泡菜。韓式魚片彈牙入味。厚燒玉子口感極度綿密軟嫩，蛋香十足，中間仲有蟹柳絲，小朋友最愛。麻油炒菜夠惹味，泡菜酸辣適中。煎魚外皮煎得金黃酥脆，裡頭的魚肉依然保持細嫩多汁。

韓式多料牛肉拌飯﹕熱騰騰，已聞到濃郁嘅麻油香。飯面鋪滿了豐富嘅配料，五顏六色嘅蔬菜絲與份量十足嘅軟嫩牛肉配搭，顏色靚，賣相不錯。牛肉夠入味，味道香甜，肉質滑順。上面仲加左大量麻油紫菜，口感香脆，加上特製嘅韓式辣醬，然後大口拌勻。每一啖都能有多種材料，香甜帶微辣，非常惹味。