2/4/2024
第一次四大兩小六人行，選擇咗嚟台灣的確冇錯。飛機時間短，市內交通方便，非常之親子友善，行程實在非常適合。
酒店總評﹕鼓勵環保，有需要才換床單，響應環保要求隔日換都打掃得好乾淨。房間非常寧靜，房內備品補充齊全，床舖適舒，拍埋兩張單人床都瞓得好舒服，仲可以免費提供床欄，小朋友訓得好腍。地理位置一流，一分鐘到捷運站，周邊機能完善，多間便利店，餐廳食肆，百貨。服務員質素高，的確是五星級日式服務，價格$1200/晚，價錢唔平，但以五星級酒店來講，感覺有讚無彈，絕對值得。服務員非常多，親切有禮，出入都好友善打招呼。
Daiso 每件NT$49 抵買，買左個銀包仔、KT捧捧脆條，抵食
濕紙巾 NT$25
KT曲奇 每盒NT$78×2 +袋NT$8
KT口罩30個，每盒NT$109
XPARK企鵝大NT$290, 小NT$150
黑糖珍珠奶茶大福220
鳳梨酥紫色 NT$540、黃色NT$360、十二件裝NT$220，全單九折埋單NT$3600，再退稅
1/4/2024 13:30
午餐後仲有少少時間，飛快地去酒店後的百貨店買幾盒口罩。Hello Kitty 又平又靚。
14:00 返到酒店執好行李，安頓好就等司機。
14:30 司機先生準時到達，著晒成套西裝，好禮貌。好呢架車仲大，仲舒服。上車時多位酒店職員仲出嚟幫手拎行李，歡送我哋。
15:15 已經到機場，車費NT$1,300，真係抵俾，舒服到全世界都瞓晒覺。
去到櫃檯既行李，都要排一陣隊，完成之後喺機場周圍行吓。首先有長榮航空Hello Kitty Check in Counter打卡位。做過功課，南北兩邊有展望平台，仲有手信街。仲有一個Lego機場展區。
16:30 差不多時間過關，雖然無優先通道，但整個流程都好快。人工櫃位過關基本唔使等。
馬祖新村
1/4/2024 17:15
之後行到近候機室，有一個類似美食廣場，買馬祖新村車輪餅。機場限定只得兩款口味，排隊都排咗一陣，人氣甚高。
NT$ 330/ 6件 兩款口味各三件。新鮮即製，熱辣辣，蛋糕蛋味重，好鬆軟。中間內餡流心爆晒出嚟，一款是好事花生，非常濃郁。另一款係古早奶油，未到微甜，香氣十足。
候機室附近仲有Hello Kitty遊樂室，裝修非常之可愛，可以俾小朋友玩一陣。
夠鐘登記，只得一部勁細嘅升降機，呢個比較麻煩，但係登記流程都好快。最後準時起飛離開台北。
機上座位都係舒適的，小朋友亦有扭計骰禮物。今日嘅飛機餐係麻油雞飯，份量唔少，雞肉幾滑，汁夠多，啱晒撈飯，味道不錯。除餐仲有零食小吃，蘋果汁等等。
20:00 準時返到香港，完成六日非常好玩嘅旅程。
Movenpick Cafe@慶城街 1/4/2024 13:00
12:30 離場，決定返酒店附近食，時間掌握得好啲。點知棋差一著，無考慮時間已經12點幾。手頭寫左幾間有興趣的，天仁茗茶已入滿坐，行去慶城街春水堂都係滿座。無諗過訂位的重要性，無台灣電話號碼嘅旅客訂位亦比較麻煩，差啲冇飯食，下次醒目一定要叫酒店幫忙。
最後遇到MOVENPICK。本身餐廳都話無位，可能見到我地一家大細又旅遊，最後好好地安排左張六人枱俾我地，實在太感謝。
櫻桃鴨胸芥子義大利麵 NT$348: 鴨胸意大利麵，冇乜特別。
普羅旺斯燉菜雞肉焗飯 NT$318: 熱辣辣忌廉汁焗飯，材料都好豐富，充滿着芝士，雞肉都好多。
商業午餐附送番茄湯、香蒜包、蜂蜜檸檬汁，份量幾多，好抵食。
香蒜焗烤田螺 NT$170: 熱辣辣，蒜味足，芝士十分多。
松露焗蛋佐荷蘭醬 NT$220: 非常豐富嘅焗蛋，加上松露香味。
海陸總匯披薩 NT$330: 大大個Pizza充滿着海鮮配料，芝士味十足。
兒童餐揀左奶油蘑菇雞肉燉飯、湯、橙汁 NT$260: 賣相幾靚，非常豐富。
埋單連加一NT$1811, 份量多，正正常常的西餐。
1/4/2024 10:30
HELLO KITTY 50週年特展：與未來做朋友吧！
今日嚟到台北好幸運，可以遇到呢一個Hello Kitty特別展。成人門原NT$420, 兒童特別優惠價NT$210。
現場買票，頭一百位仲送卡套，可以裝住整間嘅紀念卡。幸好揀呢個日子，因為係展期尾，而且平日早上，人流勁少，每個打卡位都可以影完又影。
場內佈置精美，超級多打卡位，仲有好多互動的遊戲。最後仲可以親手印製一張紀念卡。樓下有零售區，紀念品都比較貴。最後買左細盒曲奇，最值得就係整左姓名貼紙。門口旁邊仲有迷你拼圖扭蛋。
展覽實在太靚，行到超晒時。
麥味登 1/4/2024 09:00
今日係行程嘅最後一日，先check out 酒店，寄存行李。幫我哋辦手續嘅係日籍職員，似乎係高層，普通話都非常純正。一切冇問題可退回NT$2000信用卡按金。
搭捷運嚟到忠孝新生站，車站附近就有一間台灣老麥味登。店面唔太大，還好都仲有位坐。
原塊嫰雞起司蛋滿分堡+豆漿紅茶+菜脯蛋 NT$130
原塊燒雞真係勁大塊，仲有芝士雞蛋，非常豐富。配上菜脯蛋，係一個好台式嘅快餐。
黑胡椒豬里肌強滿分堡+可可牛奶+雞塊NT$130
豬肉里肌加咗黑胡椒，更加香口。可可牛奶味道濃郁，炸雞快香脆好味。
超厚牛肉起司蛋可頌+拿鐵+黃金脆薯NT$180
牛肉漢堡真係非常厚身，有肉汁，可頌麵包牛油味香，非常鬆軟，加上芝士蛋，仲有酸酸甜甜嘅醬汁，非常好味。
卡滋雞腿蛋丹麥+豆漿紅茶+菜脯蛋 NT$135
雞腿扒煎得香脆嫰滑，肉汁豐富，丹麥麵包牛油味香，非常不錯。蛋是重點，絕對值得加。
台西合壁，新鮮熱辣，味道好好，埋單共NT$575，抵食！
返到酒店再嗌Uber Eat宵夜。
原火乍初@UberEat 31/3/2024 22:00
無骨鹽酥雞 NT$85: 口感比較實淨，味道濃郁
鮮炸魷魚 NT$85: 煙煙韌韌，味道幾香，呢個更好食。
雞米 NT$58
所有嘢炒埋一碟，賣相就一般，魷魚鮮甜煙韌算幾好。另外兩款較為實，一般。
冰霖古早味豆花@UberEat
黑糖刨冰 NT$108
材料非常多，芋圓、湯圓、仙草、花豆、布丁，夠晒冰凍，味道不錯。
