Momo Cafe @沙田萬怡酒店
11/8/2023 12:00
自助餐@Alva House
Alva House＠沙田帝逸酒店
23/7/2023 11:30
官方做七折優惠，平到震，成人$400多，小童$270，即試！
款式選擇多，質素高，而且人唔多，可以唔洗排隊拎野食，慢慢歎。生蠔新鮮大隻好鮮甜，刺身都好新鮮。熱盤最好味係日式串燒，天婦羅。甜品雪糕勁多口味，又靚又好味。
22/6/2022 12:00
感謝老細周年聚餐，請全世界去帝逸食自助餐。聽聞都幾難Book，而且價錢唔平，真開心。
先拎幾款刺身、凍盆，樣樣都幾新鮮。三文魚相當鮮甜。
生蠔都要排一陣隊，即開生蠔都幾大隻，相當甜，食左幾轉。
熱盆選擇都好多，特別推介燒牛肉，都幾腍，幾夠牛味。仲有日式串燒。
一向食自助餐都主攻甜品部，選擇實在好多，小杯奶凍類特別好食，抹茶蛋糕都印象深刻。最後仲有迷你杯Haagen Dazs。
整體算相當唔錯，如果有優惠會想再試。
帝盛酒店半自助餐
荃灣 30/6/2019 12:00
2＋2 Cafe
2＋2 Cafe＠沙田
27/12/2021 12:00
結婚周年紀念一家大細食自助餐。BB仲細，近近地沙田帝都食個入門級自助餐。＄
凍盤有幾款刺身，拎左三文魚同吞拿魚，都幾鮮甜。仲有幾樣凍小食。芝麻凍豆腐幾滑，幾好味。行入少少就有一個細細嘅生蠔檔，即開，都算幾鮮甜。呢個價位有生蠔算係咁了。
熱盤揀左燒牛肉，仲有咖哩配薄餅，仲有幾款飽肚嘅熱食。串燒雞幾滑唔錯。
最後甜品都好多選擇。一個大大凍櫃，有好多奶凍、啫喱類甜品。最愛係抹茶奶凍。另外仲有好多蛋糕，cupcake。仲有幾款雪糕選擇。
呢度餐廳細細，座位較近，但食物選擇都應有盡有，價錢合理。
Baby Friendly，有大大張high chair，小朋友餐紙係圖畫紙，又有兒童餐具。
bong pro-dry aging
bong pro-dry aging＠紅磡
9/8/2019 12:00
小B暑假最後一日，放一日假陪佢。適逢下星期牛一，可以預早食好嘢慶祝。間中都會搭車落黃埔行下，必經紅磡碼頭，近年喺後面開左間五星級酒店。落左巴士經扶手電梯上就係酒店平台，全海景超正。今日老細安排左一 餐”Fine Lunch”，原來正正係平台上呢間bong。餐廳非常有格調，室內仍見到180度無敵海景，老細呢個安排不錯喎。
選擇$300位嘅午餐，內容非常豐富。先黎一客餐包，微熱嘅包包外皮好脆，中間鬆軟，原來仲有莓乾，加上牛油更加香口。
Sweet Pumpkin Cream Soup
南瓜濃湯口感非常細緻幼滑，南瓜香甜，仲有一小角吸收晒湯汁嘅麵包。
Green Salad with Orange
簡單幾款沙津醬配香橙，清爽開胃。
非常講究有六大款鹽、醬料，自行配搭。
Dry-aged Sirloin Steak (150g)
主菜係呢間餐廳嘅招牌菜韓式熟成牛。賣相非常好睇，牛扒烤紋靚靚的，剛好五成熟，中間仲呈現粉粉紅色。牛肉味道相當濃，嫩滑多汁，即使唔落任何調味已經好好食。貧吃嘅人當然唔客氣試盡六款調味料，個人最愛粉紅色嘅岩咸，牛排多一份咸鮮味。配菜仲有蘆荀，茄子、番茄等，略加醬調味，都相當唔錯。
Tomato Pasta
最簡單小碟番茄醬意粉，意粉口感不錯，番茄醬汁酸甜入味，不得不提上面幾片芝士來得正好。
Mango Sorbet
切切實實係芒果嘅味道，口感綿密。
Raspberry Chocolate
特濃朱古力配酸甜紅莓，好想食多一舊。
Cappuccino，Latte
非常欣賞Cap嘅奶泡打得非常鬆，咖啡本身亦好香，質素非常高的一杯咖啡。
從之前嘅二人世界到今日嘅三人行，帶住小B都可以一齊享用好味嘅午餐，餐廳有齊BB櫈、兒童餐具，真係非常方便。呢間係相當悠閒嘅午餐，食物高質，值得慢慢享受。大時大節豪一次吧。
Cafe Kool
Cafe Kool @ 尖沙咀香格里拉
5/8/2019 12:00
