by admin | 8 月 28, 2025 | 兒童餐, 小食, 沙田, 泰國菜, 甜品, 西餐
沙田 24/8/2025 12:00
泰式忌廉青口配薯條$59﹕熱辣辣嘅青口浸喺淡黃色嘅泰或忌廉醬汁之中。食得出忌廉嘅濃郁奶香，仲有好多香茅、青檸葉、淡淡嘅椰香，帶輕微辣度。醬汁質地順滑，西蘭心紅蘿蔔等煮到腍晒，吸晒湯汁，不錯。主角青口肉質唔算肥美，但都算幾鮮甜，無腥味。搭配著一大份金黃香脆嘅薯條，都算飽足。
燒帶子配意粉及海膽忌廉汁$56﹕海膽忌廉汁有濃郁奶香，食得出少少海膽甘甜味，有咸香海味，醬汁的質地順滑濃稠包著意粉。麵條軟硬度掌握得恰到好處。有幾顆都算大粒嘅帶子，表面煎至金黃微焦，味道幾鮮甜，肉質彈牙。最後仲有菇類做配料。
脆魚手指2件伴粟米、 薯蓉及北歐果味飲品 (免費添飲) $23﹕兒童餐有兩條金黃酥脆嘅魚手指，外脆內軟，無乜腥味。旁邊是一小份色澤鮮黃嘅甜粟米粒，飽滿多汁，最後一球綿密嘅薯蓉。最緊要係搭配北歐果味飲品免費添飲!
鯊魚造型脆皮薄荷黑朱古力新地$16﹕顏值與美味集於一身，雪糕上面仲插著一塊鯊魚尾巴造型黑嘅薄脆，非常值得打卡嘅創意甜品。雪糕底質地極為順滑細膩，入口即化，朱古力味濃郁，食得出甘苦味，亦帶清涼嘅薄荷味，甜度適中。加上朱古力醬冷卻成脆皮，勁正!
by admin | 8 月 11, 2025 | 2025廣州生日之旅, 兒童餐, 小食, 廣州, 甜品, 西餐
11/8/2025 15:00
玩完職業體驗，打的黎呢個商場搵食，呢間愛味道牛排館環境實在太靚，本身已經有好多生日佈置。
休閒二人套餐 177元
藜麥雞排沙拉﹕整體擺盤精緻，色彩繽紛，有翠綠嘅生菜做基底，點綴著紅色嘅番茄，雞蛋，主角係煎至金黃酥脆嘅雞排。雞排蒜得香脆焦香，內裡依然保持著鮮嫩多汁。藜麥煮得恰到好處，顆粒完整，口感Q彈有嚼勁，為沙拉增添了豐富嘅穀物香氣同飽足感。各款蔬菜都好新鮮，酸甜開胃嘅沙拉醬汁。
澳州和牛M5雪花板腱牛排﹕牛排煎得不錯，表面煎烤出的深褐色格紋烙印，中間呈現出五成熟嘅粉嫩肉色，油脂分佈均勻，入口軟嫩，肉味甘甜又有肉汁。
愛味道牛肉炒飯﹕米飯粒粒金黃分明，飯粒乾爽，吸收左醬汁嘅鹹香同牛肉嘅肉汁，炒飯中間有唔少嫩滑嘅牛肉粒，肉味十足，仲有紅綠椒、蔥花等，鑊氣十足。
手工鮮蝦卷﹕炸得金黃酥脆，唔油膩，內餡係飽滿嘅蝦滑，鮮甜彈牙，食得出蝦肉嘅顆粒感，鮮甜嫩滑。
法式栗子南瓜湯﹕法式栗子南瓜湯口感絲滑綿密，打得非常細膩，輕微顆粒感，湯底非常濃稠，帶南瓜天然甜同栗子堅果醇香。
巴黎之戀﹕賣相靚，提子汁上浮起一朵玫瑰花。
歡樂兒童餐 29.8元﹕餐點放喺色彩鮮豔、造型可愛嘅餐盤中，各種食物分門別類地擺放整齊。最驚喜係有大大件牛扒，而且份量唔少，牛味香濃，口感嫰滑，非常高質。茄汁意粉份量適中，仲有些少肉醬。薯格同薯條外皮酥脆又綿密，仲有蔬菜同水果，配上橙汁，真係相當豐富。
打卡送焦糖布甸，焦糖脆脆，布甸蛋味香濃，不錯。
安華匯本身係一個綜合式商場，頂樓有個挪亞方舟主題樂園，有兒童玩樂設施同動物園等，此行就無刻意買票入場。離開商場，係雨中步行大約十分鐘就返到白雲大道北地鐵站，繼續去下一站時尚天河商業廣場。
by admin | 7 月 27, 2025 | 中菜, 兒童餐, 小食, 深圳, 親子餐廳, 點心
深圳歡樂海岸 27/7/2025 17:00
公主生日去西貝慶祝。
親子套餐 124元
兒童餐份量對於小朋友嚟講啱啱好。蘑菇湯莜面魚魚蘑菇湯粉，小朋友鍾意食嘅粉仔。仲有一份細細個嘅雜糧漢堡，麵包軟熟，入面塊漢堡扒雖然細，但肉味都幾足，加埋番茄醬，酸酸甜甜好開胃。仲有水果，甜品，酸奶等。
土豆胡蘿蔔小鍋牛腩﹕騰騰小鍋上枱，入面嘅材料好豐富，大大嚿嘅牛腩、土豆同胡蘿蔔。牛腩炆得好腍，用筷子輕輕一夾就分得開，肉質軟嫩得嚟又帶少少筋，好有口感。土豆同胡蘿蔔都吸收晒啲肉汁精華，煮到又腍又入味，用嚟撈飯簡直係一流。
羊肉小餃 45元﹕水餃隻隻都好飽滿，皮好煙韌，唔會太厚或者太腍，羊肉味好濃郁，肉汁豐富，真材實料，味道濃郁但又恰到好處。
生日麵一碗蕃茄湯底闊條麵，有蛋有菜賣相幾靚。最驚喜嘅係生日環節。啲店員會圍埋一齊唱生日歌，氣氛超級高漲，仲有魔術表演，又有禮物，小朋友超級開心。
by admin | 7 月 25, 2025 | 中菜, 兒童餐, 四川菜, 深圳, 火鍋, 親子餐廳
深圳KKOne 25/7/2025 12:00
海底撈火鍋，真係火鍋界服務世一，更非常適合慶祝生日。
今日揀咗番茄湯底配菇菌湯（87元），湯底味道不錯，蕃茄湯更是一流。番茄新鮮香味香氣，飲一啖已經好暖胃，仲非常開胃。職員仲幫你加上牛肉粒同埋芫荽蔥，特製一碗蕃茄肉碎湯，真係超級好味。
牛肉丸（29元）彈牙多汁。鮮切吊龍牛肉（46元）肉質嫩滑，油花分佈均勻。蒙古羊肉片（72元）帶香濃羊膻味，肉質細嫩。撈麵係必點，睇住師傅現場拉麵，麵條彈牙又掛湯，吸晒番茄湯底嘅精華。
兒童餐（26元）小巧精緻，已經有多款火鍋料，午餐肉、鵪鶉蛋、魚柳、米線、蔬菜，份量細細，但非常抵食。
漢堡兒童餐 （39.9元）賣相不錯，有小漢堡、雞翼、蛋糕、飲品。
莓莓抹茶牛乳（18元）味道香濃，用料充足，都拍得住出邊嘅茶飲店質素。
喺度慶祝生日收穫滿滿，首先有一大碗長壽麵。場內佈置非常靚，店員仲會唱生日歌。間中仲有變臉表演，又不停有小禮物。店內仲有一個兒童遊樂場，有職員姐姐陪小朋友畫畫砌積木，真係非常歡樂。女士更可以做靚靚嘅美甲。
整體味道唔算十分突出，但係服務同埋周邊實在絕對贏晒。食足兩個幾鐘，埋單257元代300元，補埋尾數340元左右。
by admin | 7 月 1, 2025 | 兒童餐, 深圳, 西餐
羅湖益田假日廣場 1/7/2025 16:00
兒童套餐 38元： 一個賣相幾吸引嘅兒童套餐，底層係炒飯，上面有$1大雞扒，煎得夠入味，仲加上唔同水果同山楂棒做裝飾。但明顯今次嘅出品冇第一次食咁好。
工作日披薩單人餐 79元：有奶香蘑菇湯，味道超級香，蘑菇味十足，仲食得出粒粒火咁，真材實料，奶香味濃郁，超級滋味。
另外仲有黑松露香腸披薩，份量唔算多，但係材料豐富，賣相吸引。餅皮夠鬆軟，上面鋪滿咗蘑菇同埋香腸，仲有大量嘅芝士，足夠拉絲，鹹香味十足。
by admin | 7 月 1, 2025 | 兒童餐, 深圳, 甜品, 西餐
羅湖益田假日廣場 1/7/2025 12:30
今天過來吃了一個工作日套餐，99元非常抵食。
一沙一城堅果香松烤雞半隻﹕烤雞賣相吸食，以堅果為特色，外皮酥脆金黃，內裡肉質鮮嫩多汁，咬下去可以食到堅果嘅香氣。烤雞本身調味香濃，再加上堅果多一陣風味，特製醬料添加層次感，非常不錯。
香檳柚子檸檬氣泡﹕以香檳氣泡為基底，融合柚子清香與檸檬酸甜，入口清爽，氣泡細膩，帶來輕盈口感。
焦糖蘋果奶油南瓜湯﹕奶油南瓜湯加入焦糖蘋果增添甜香，口感濃郁順滑。南瓜自然甜味，口感濃稠柔和，味道不錯。
帕瑪臣芝士薯條﹕新鮮即炸薯條以帕瑪臣芝士為亮點，薯條酥脆，外層撒滿濃郁芝士粉，再加上沙律醬帶出酸甜味道，真係令人無法抗拒。
黑松露和牛肉炒飯﹕香氣濃郁撲鼻，飯粒粒粒分明，吸收晒和牛嘅牛油香同黑松露嘅香味，和牛肉粒份量唔少，牛味香濃，加上菇菌味函濃，整體味道不，既有米飯香，又有和牛同松露香。
小勇士肉醬探險套餐 29.9﹕充滿趣味嘅兒童餐，主菜係肉醬意粉，濃郁番茄肉醬，酸甜適中，肉醬細膩多汁。薯條酥脆金黃，外脆內軟。仲有唔少蔬菜同水果，感覺新鮮，清爽均衡。
