思塔克漢堡 STACK UP
深圳水圍 1/7/2026 18:30
點評霸氣積分50元換一份漢堡餐，安格斯牛堡同凍檸樂。
新鮮即製，熱辣辣，賣相亦都靚到不得了，漢堡飽滿，麵包烤到表面金黃油亮脆卜卜，滿滿牛油香。安格斯牛肉餅厚切紮實，外層煎到微微焦香，內裏粉嫩多汁，嫩滑彈牙，肉味濃郁醇厚，再夾埋爽脆生菜、多汁蕃茄同融化芝士，仲有酸甜醬汁層層疊，惹味全部融為一體，相當高質。加杯檸檬可樂，清新果酸夠解渴。
美心MX
馬鞍山 8/5/2026 17:30
和風豚肉飯 $40﹕豚肉片鋪滿喺白飯上面，淋上金黃油亮嘅和風醬汁，豚肉肉味濃郁，薄薄一片片幾入味，略為不夠腍，和風醬汁鹹香味甜，撈飯不錯。
和風蟹柳滑蛋豚肉飯 $40﹕除左豚肉外，呢個加左滑溜溜嘅嫩蛋，同蟹柳，蛋漿香滑得嚟又夠嫩，蛋香濃郁、入口即化，蟹柳就鮮甜爽彈、絲絲分明，幾豐富。
洋蔥汁天使雞扒飯食42﹕雞扒非常大件，煎到外層金黃微微焦香、內裏粉嫩多汁，淋上香濃洋蔥汁，洋蔥炒到金黃軟身、香甜惹味，醬油鹹中帶清甜。
Sukiya
馬鞍山 6/5/2026 18:00
蘑菇多蜜醬牛丼 $40﹕經典之選，金黃多蜜醬淋滿成碗，蘑菇粒粒飽滿、吸盡醬汁精華，咬落多汁鮮香，牛肉片嫩滑入味，鮮甜多汁，醃得入味，撈勻白飯一齊送入口，啖啖醬濃肉嫩、飯粒吸滿醬汁，簡單卻香到停唔到口。
三式芝士蘑菇多蜜醬牛丼 $46，呢個係加強版，鋪面三款芝士焗到金黃微焦，芝士可以拉出長長一條絲，香滑得嚟又夠惹味，芝士嗰陣奶香濃郁醇厚，多一份咸香，配埋熬到香濃醇厚嘅多蜜醬，香濃、邪惡、夠味，更好食。
三式芝士燒肉丼 $56﹕呢款換成燒肉，烤到邊位微微焦香，油脂逼出嚟香潤豐腴，加上芝士更加惹味。
平台有折，埋單只需要$102，勁抵食。
麥當勞KITKAT香芋味黑白芭菲
馬鞍山 9/4/2026 13:00
KITKAT香芋味黑白芭菲 $14
麥當勞新推，賣相幾靚。表面灑滿黑糖珍珠同白玉糯米糍，黑糖珍珠帶有淡淡焦香，白玉糯米糍軟糯有嚼勁，配上酥脆嘅威化餅乾，口感豐富。底層嘅香芋雪糕綿密細滑，甜度適中。
KFC
馬鞍山 3/4/2026 08:00
KFC今期新出「肯！鬆甜包」雞肉蛋鬆甜包餐 $28，配薯餅、蜜糖綠茶。
鬆甜包類似Pancake質感，鬆軟綿密，本身有淡淡嘅蛋香蜜味，質地軟濕潤。餡料係一片雞肉漢堡扒，肉汁都幾豐富，口感鬆軟。夾埋一塊厚身嘅滑溜煎蛋，充滿濃郁蛋香。鬆甜包嘅微甜同雞肉嘅鹹香組合，味道都幾豐富。本身跟蜜糖綠茶夠清甜，加$6有埋薯餅或蜜糖鬆餅，一份早餐都好飽足。
漢堡印
深圳世紀匯 29/3/2026 17:00
安格斯鮮牛堡配黑松露醬薯條、可樂 31.4元﹕漢堡真係交足功課，一上枱已經聞到陣陣牛脂香氣。黑色麵包夠型格，烘得微微帶脆，入面依然保持鬆軟。安格斯牛肉扒勁厚切，煎得外層帶點微焦，鎖住入面豐富嘅肉汁。大啖咬落去，爆晒汁，肉質軟嫩又有牛味。配搭埋新鮮爽脆嘅生菜、鮮甜嘅番茄同埋半溶嘅芝士，口感層次極之豐富。醬汁係黑松露醬，菇菌味好香，仲有微微芥茉味，酸甜惹味。薯條炸得極之金黃酥脆，薯蓉依然綿密。
方形牛肉薄餅 19.9元﹕薄餅底烤得極之香脆薄身，咬落去好似餅乾咁脆口。上面鋪滿極之濃郁嘅半溶芝士同惹味嘅牛肉碎，用料極之慷慨。面頭嘅芝士即刻拉晒絲，調味不錯。
夏威夷和牛堡配塔塔醬薯條、可樂 30.9元﹕漢堡充滿熱帶風情，中間夾住咗一塊燒過嘅鮮甜菠蘿，酸酸甜甜嘅果香完美中和咗和牛嘅豐盈脂香，而且果汁超豐富。仲有一塊脆卜卜嘅煙肉，充滿咸香味，超正!
黑椒炸雞塊﹕金黃色嘅炸粉薄得嚟極之香口，唔太油油膩。入面嘅雞肉極之嫩滑多汁，保留住滿滿嘅雞肉鮮味仲有黑椒微辣。
汽水飲任添，出品有驚喜，價錢抵，點評仲有41元換50元代金券。新會員滿30元送小食一份，抵食!
