太子 31/1/2026 14:00
今日行經太子，被泰聚呢個泰式下午茶吸引，非常適合慢嘆一個下午。泰式下午茶非常靚，絕對值得打卡。先來兩層架，上層係柚子沙律，柚子肉粒粒飽滿多汁，每一啖都爆汁，非常香甜。撈埋泰式醬汁，仲有大大粒腰果，口感豐富，酸酸甜甜極之開胃。下層係香口炸物大集合，炸蝦餅厚切，非常彈牙，充滿鮮味，最岩點埋酸梅醬。泰式魚餅就有驚喜，口感結實得嚟帶有獨特嘅香料味，檸檬葉同豆角粒，非常惹味。炸雞翼脆卜卜，醃料好入味。咖哩春卷炸到金黃酥脆，餡料充滿濃郁嘅咖哩香，雜蔬等。仲有泰式鳳爪索晒泰式酸辣汁味道，充滿蒜蓉、辣椒、酸酸辣辣，非常入味。
芒果糯米飯靚到不得了，充滿夢幻感。除左有傳統嘅椰漿味白色，仲有一件係紫藍色。糯米飯煮得剛剛好，軟糯煙韌，帶住淡淡嘅米香同椰香。芒果勁甜，入口香甜完全無渣，果肉又多汁。最後淋上濃厚嘅椰奶，甜中帶少少鹹味，味道出色。
最後飲番杯泰式檸檬茶，過一個充滿東南亞風情嘅悠閒下午。
深圳東門文和友 25/8/2024 11:00
抹茶草莓可麗餅 38元
深圳東門人氣打卡點文和友，門口就有一間人氣可麗餅專門店。店員製作非常認真，份量大，材料豐富。抹茶餅底煙煙韌靭，淡淡綠茶香味。布蕾奶香味濃，唔太甜，入口幼滑，頂層仲有濃郁嘅抹茶粉。大大啖咬，每啖都夾雜超多士多啤梨，斷面好吸引，味道酸酸甜甜，相當不錯。
羅湖火車站大樓 25/7/2024 10:30
可愛的鬆餅，在羅湖關口一出就見到，非常方便！ 今日平日，唔使排隊，鬆餅色彩繽紛，個個都好吸引，好可愛。 立即買一個來試一下。 今日買咗一個開心果味，25元，賣相靚，好鬆軟，開心果味濃郁，味道不太甜，仲有一粒粒開心果仁。點評仲送可愛公仔一隻。
深圳皇廷廣場 28/4/2024 10:00
超人氣新店，日日排隊排到傻，咁岩今日係會展中心，就決定一早等佢開門。去到皇庭廣場冷氣都未開，已經有幾個人排隊等緊。落單先付款，等候新鮮即製，賣相不錯。
草莓抹茶舒芙蕾冰淇淋 29元﹕賣相好吸引，抹茶雪糕高高的，丰茶味香濃，好幼滑。舒芙蕾好鬆軟，蛋香味重，空氣感唔算太重，無幾耐就腍晒，感覺上雪糕更加好味。
雪覆草莓19元﹕賣相不錯，舒芙蕾係凍版，比較實淨，中間牛乳味忌廉好香好滑，士多啤梨微酸。
海鹽奧利奧18元﹕中間忌廉係咸味奧利奧，味道都幾濃。
舒芙蕾其實算鬆軟，蛋味可以，但其實無乜特別，反而雪糕仲好味。價錢的確平過香港好多既。
