愛上蛋糕
深圳黃田 4/4/2026 15:00
牛奶手撕包 13.8元﹕外皮烘烤得金黃微酥，面舖仲掃左一層蜜蜂。輕輕一撕，麵包質地一絲一絲的細緻紋理，極度鬆軟綿密又有彈性。麵包有濃郁醇厚嘅鮮奶香氣同蛋香，甜度控制得剛剛好，份量超大，又好食。
芝麻味青團 15.8元﹕將新鮮艾草汁完美揉入糯米粉中，造出翠綠誘人的色澤，淡淡嘅青草香氣，外皮口感極度軟糯煙韌，彈性且不黏牙。中間係芝麻餡，質地細緻綿密，芝麻香氣濃郁，甜度控制得剛剛好。
KFC
馬鞍山 3/4/2026 08:00
KFC今期新出「肯！鬆甜包」雞肉蛋鬆甜包餐 $28，配薯餅、蜜糖綠茶。
鬆甜包類似Pancake質感，鬆軟綿密，本身有淡淡嘅蛋香蜜味，質地軟濕潤。餡料係一片雞肉漢堡扒，肉汁都幾豐富，口感鬆軟。夾埋一塊厚身嘅滑溜煎蛋，充滿濃郁蛋香。鬆甜包嘅微甜同雞肉嘅鹹香組合，味道都幾豐富。本身跟蜜糖綠茶夠清甜，加$6有埋薯餅或蜜糖鬆餅，一份早餐都好飽足。
西樹泡芺
馬鞍山 2/4/2026 17:00
每月二號買二送一，今期係「熱情果白桃」配「美祿忌廉」$64﹕泡芙金黃酥脆，仲保持到香脆口感。「熱情果白桃」入面爆滿嘅餡料湧晒出嚟。熱情果嘅微酸同白桃嘅清甜交融，忌廉打得綿滑細緻。有濃郁嘅天然果香，味道幾清爽。白桃大大件都幾清甜。「美祿忌廉」有滿滿嘅麥芽朱古力香氣，超級濃郁，甜度控制得啱啱好。
鮑師傅
深圳中航城 29/3/2026 18:00
牛奶軟蛋糕 9.9元：呢款蛋糕主打「不加一滴水」，單單聽個賣點已經覺得極之有誠意。極之濃郁嘅天然蛋香已經直接撲鼻而來。大啖咬落去，每一啖都充滿住極度純粹嘅雞蛋鮮甜，完全食得出嗰份無添加嘅原汁原味。綿密細緻，觸感就好似雲朵咁柔軟。用手輕輕一撕，就可以感受到佢嗰種充滿彈性嘅質地。放入口嗰瞬間，蛋糕幾乎係入口即溶，軟滑得嚟完全唔會覺得乾爭爭。
蛋糕鬆鬆卷 15元：蛋糕入邊包住肉鬆，加咗沙律醬。其實就係松松小貝嘅簡單版。
漢堡印
深圳世紀匯 29/3/2026 17:00
安格斯鮮牛堡配黑松露醬薯條、可樂 31.4元﹕漢堡真係交足功課，一上枱已經聞到陣陣牛脂香氣。黑色麵包夠型格，烘得微微帶脆，入面依然保持鬆軟。安格斯牛肉扒勁厚切，煎得外層帶點微焦，鎖住入面豐富嘅肉汁。大啖咬落去，爆晒汁，肉質軟嫩又有牛味。配搭埋新鮮爽脆嘅生菜、鮮甜嘅番茄同埋半溶嘅芝士，口感層次極之豐富。醬汁係黑松露醬，菇菌味好香，仲有微微芥茉味，酸甜惹味。薯條炸得極之金黃酥脆，薯蓉依然綿密。
方形牛肉薄餅 19.9元﹕薄餅底烤得極之香脆薄身，咬落去好似餅乾咁脆口。上面鋪滿極之濃郁嘅半溶芝士同惹味嘅牛肉碎，用料極之慷慨。面頭嘅芝士即刻拉晒絲，調味不錯。
夏威夷和牛堡配塔塔醬薯條、可樂 30.9元﹕漢堡充滿熱帶風情，中間夾住咗一塊燒過嘅鮮甜菠蘿，酸酸甜甜嘅果香完美中和咗和牛嘅豐盈脂香，而且果汁超豐富。仲有一塊脆卜卜嘅煙肉，充滿咸香味，超正!
黑椒炸雞塊﹕金黃色嘅炸粉薄得嚟極之香口，唔太油油膩。入面嘅雞肉極之嫩滑多汁，保留住滿滿嘅雞肉鮮味仲有黑椒微辣。
汽水飲任添，出品有驚喜，價錢抵，點評仲有41元換50元代金券。新會員滿30元送小食一份，抵食!
茶小籼
深圳坂田萬科 8/2/2026 17:00
海鹽芝士可可松餅﹕熱辣辣嘅可可松餅極之鬆軟，切開即刻聞到濃郁嘅朱古力香氣。面頭淋滿厚厚一層海鹽芝士奶蓋，芝士嘅微鹹完美中和咗可可嘅微甜。微溫嘅餅底同冰涼嘅奶蓋形成強烈對比，口感層次極之豐富。
草莓西多士﹕厚切西多士炸得極之金黃香脆，入面依然保持軟熟綿密，充滿濃厚蛋香。面頭鋪滿新鮮清甜嘅士多啤梨，再配上香甜嘅糖漿。士多啤梨嘅微酸同西多士嘅甘香完美融合，甜而不膩
草莓酒杯蛋糕﹕賣相極之吸睛，甜品用精緻嘅酒杯盛載，層層疊疊嘅海綿蛋糕、軟滑忌廉同新鮮士多啤梨果肉。忌廉極之幼滑細膩，完全唔會覺得滯。蛋糕吸滿咗果汁嘅精華，配埋鮮甜多汁嘅果肉，清新嘅果香令人一試難忘。
打卡送雪糕球。
