by admin | 6 月 29, 2025 | BB Friendly, Blog, 中菜, 九龍城, 日式料理, 火鍋, 親子餐廳
九龍城 29/6/2025 18:30
九龍城廣場對面有一間主打中式同日式嘅火鍋專門店，類似私房菜形式，非常高檔。
先來一個豪華刺身拼盆﹕一盤匯集左海花金古、冰鎮鮑魚、加拿大象拔蚌、北寄貝同三文魚，賣相勁吸引，滿滿奢華感。海花金古新鮮撈起即切，上碟時魚肉仲跳動緊，可見新鮮程度。魚肉呈半透明淡白色，切片厚薄適中，入口即能感受肉質天然嘅清甜，簡單沾少少芥末同日式醬油，足以突顯其鮮味。冰鎮鮑魚肉質飽滿，並且完整保留其天然精華。經過適當的低溫處理，鮑魚的鮮味緊實且有彈性，無需過多調味，自帶鮮美！鮑魚肉帶有微微的鹹甜新鮮度。象拔蚌切得薄薄，入口非常清爽，食得出微微嘅貝類甜味，脆脆的口感。北寄貝都係香甜煙韌，三文魚油脂豐富，整個刺身拼盆食得出的新鮮，滿滿海洋風味濃縮於一盆，超高質素。
椒鹽三文魚骨腩﹕作為開胃小食真係非常吸引。三文魚有金黃酥脆嘅炸粉，骨腩仍有唔少魚肉，肉質鮮嫩多汁，油香滿溢。椒鹽調味帶出鹹香與微微嘅辛辣，味道恰到好處。
鮮味卜卜蜆鍋﹕湯底有卜卜蜆，隻隻都大大隻，肉質飽滿，淡淡嘅鹹香海味，入口滑嫩，非常新鮮。湯底清甜，啖啖海鮮甜味，係一個相當百搭嘅火鍋湯底。湯窩本身加左粉絲，粉絲索晒湯汁，非常香甜。
手切鴛鴦牛﹕火鍋料揀左一份鴛鴦牛，油花勁靚，非常吸引。兩款牛肉都相當高質，只需要輕輕涮幾秒就可食用。肉質非常鮮嫩，口感順潤。首先安格斯肥油脂較為豐富，入口更加腍滑，油香味濃。另一款係特級鮮牛，牛肉更加濃厚，較有口感。湯底清爽，可以突顯牛肉天然香氣。
脆鯇魚片﹕輕輕燙十幾秒，魚片熟透微微捲起，已經感受到纖維緊實。脆鯇真係非常爽脆鮮嫩，無魚腥味，吸引左湯底嘅精華，更加香甜清爽。
稻庭烏冬﹕最後煮個烏冬，吸收晒所有海鮮嘅精華，味道香甜。本身烏冬又夠腍滑，伴湯食十分正斗。
洛神花大大杯﹕三十幾蚊咁大杯，非常解渴，味道酸酸甜甜，爽!
全餐由廚師發辦，總共$2708，價錢貴，但質素非常高質，幾對對得住價錢。
加上有一個兒童玩樂區，小朋友玩得開心，大人食得放心，輕輕鬆鬆享受一個晚上。
by admin | 6 月 29, 2025 | BB Friendly, 兒童餐, 小食, 沙田, 甜品, 西餐, 麵包, 麵食
沙田 29/6/2025 11:00
燒鴨胸配紅咖喱、薯仔雜菜 $53﹕賣相吸引，擺盆高檔。鴨胸煎得恰到好處，外皮金黃酥脆，帶有淡淡炭烤香氣，而中間係嫩粉色，熟成度剛好。入口嫰滑多汁，油脂適中滲透至肉中，食得出濃郁嘅鴨味香甜。醬汁融入東南亞風味，紅咖喱醇厚濃郁，香料味道豐富，有啖啖椰奶香氣，仲有姜黃同香茅，辣度適中，襯托鴨胸味道不錯。
海鮮扁意粉配芝士忌廉汁 $53﹕意粉上淋上綿密嘅芝士忌廉汁，舖滿魚柳同大蝦。魚柳肉質細緻而富有彈性，味道非常香甜，油脂適中，口感不錯，大蝦新鮮爽口。濃厚嘅芝士帶奶香與咸香，口感香滑而膩口，與海鮮料相當配合。意粉偏厚身，略有咬勁，可以吸附濃稠嘅芝士忌廉。
瑞典肉丸伴薯蓉及雜菜配忌廉汁 $26﹕每次必食嘅招標菜，肉丸爽口彈牙，內裡嫩滑多汁，加上紅莓醬帶微微酸甜，平衡肉丸嘅濃郁和忌廉汁奶香。薯蓉質地細膩而綿密，有濃郁奶香，淡淡咸味，濃香而不膩口。
燒汁雞肉丸 $9﹕醬汁係濃郁甘香嘅日式燒汁，味道濃香，帶焦糖香氣，附係雞肉丸表面增添光澤。雞肉丸細膩柔嫩，口感爽口彈牙，外層經過炙燒，微微焦香。
脆皮蜜糖腸 $10﹕外皮超級脆，中間鮮嫰多汁，腸肉蜜味香濃香氣，非常好食。
沙田 5/5/2025 11:00
脆魚柳兒童餐 $19
香草醃三文魚沙律 $36﹕片片橙紅光澤嘅三文魚鋪喺翠綠嘅沙律菜上，香草醃製嘅三文魚鹹香適中，魚肉細膩柔滑，沙律菜清脆爽口，平衡咗三文魚嘅油脂感，同時為整體增添清新感。而特製嘅調味醬係關鍵，酸酸甜甜提升三文魚嘅味道，個人最鍾意大量沾。
脆雞菠蘿漢堡配紅果子BBQ醬伴薯角、迷你沙律 $50﹕漢堡層次分明，非常豐富，賣相吸引。漢堡包非常鬆軟，炸雞外層炸到金黃香脆，內裡雞肉仲好嫩滑，保持到肉汁，加上啖啖清甜又多汁嘅菠蘿，富有熱帶風情。配料仲有大量新鮮生菜，添加清爽感。最鍾意紅果子醬，甜中帶酸，同炸雞好配合，提升成個漢堡嘅層次感，真係超惹味！薯角啖啖薯，調味適中，加少少茄汁已相當好食。仲有沙律菜新鮮，又多粟米，可以自加芝麻津律醬，酸酸甜甜。全餐仲送埋飲品，相當抵食。
瑞典肉丸伴薯蓉及雜菜配忌廉汁 $26﹕最愛ikea名物肉丸，肉丸肉質紮實，每一粒都有咬口，肉質仲好腍滑。除左本身嘅醬汁外，一定要少少紅果子醬，酸酸甜甜嘅果味平衡咗肉丸嘅濃郁，開胃又解膩。薯蓉口感細膩又有濃郁嘅牛油香，正。
轂飼西冷牛扒 $79﹕不至賣相靚連品質都相當好。牛扒面有靚靚嘅燒烤痕跡，切開牛扒中間粉嫩紅色相當不錯，油花分佈適中，腍滑又有筋位，牛味都算香濃又有肉汁。呢個價錢呢個質素真係超值。配上黑松露薯蓉、露筍同番茄仔，相當不錯。
開心果系列
開心果巴斯克蛋糕 $29﹕巴斯克蛋糕與開心果融合，就係芝士蛋糕黏黏實嘅口感，甜度適中，開心果味極濃郁，超級驚喜。
開心果新地筒 $9
三重開心果新地 $23﹕以濃郁開心果雪糕為基礎，加上開心果醬同果仁碎。開心果雪糕嘅堅果香味濃郁自然，每口都能感受到開心果獨有嘅清甜，口感勁幼滑，超輕盈。開心果醬係勁濃郁，將開心果味加倍提升。再灑上香脆嘅開心果仁點綴，脆卜卜，增添堅果香氣，亦帶微微咸香，真係三重享受。
by admin | 6 月 22, 2025 | Blog, 外賣, 深圳, 甜品, 韓國菜
深圳KKOne 22/6/2025 16:00
呢款Minimelts顆粒狀雪糕非常有趣吸引。提供多款唔同口味，滿足各種口味偏好，細細粒好可愛，就好似一碗色彩繽紛嘅小寶石，唔同口味搭配不同色彩，非常吸引。粒粒雪糕與普通雪糕嘅滑順質地唔同，小顆粒更加冰凍，融化後味道香濃。揀左
雙巧克力味係黑白巧克力，黑巧克力濃醇苦甜，而白巧克力更細膩有豐富奶香，兩者混合，味道豐富。草莓味則帶著自然嘅酸甜果香，味道不錯。
雙杯要36元，價錢唔平，自費真係唔買。
by admin | 6 月 22, 2025 | 外賣, 深圳, 飲品
深圳1234 Space 22/6/2025 11:00
花香雲頂 16.8元
Hello kitty 聯乘，杯杯靚到不得了，紙袋可以免費得到。一度斷貨嘅保溫袋竟然係呢間店搵到，兩大元一個，造工精美，都可以keep住用一排。
飲品係茉莉茶底，清香味甜，上面加上雲頂忌廉，又靚又好味。
深圳中航城君尚 12/5/2024 10:30
一朵茉莉花 點評RMB 16.7
茉莉奶白上加上一厚厚的鮮忌廉，賣相靚。奶白茉莉花味香，奶味濃，口感幼滑，選擇半糖亦剛好不太甜，加上忌廉多一份奶香。
深圳西麗寶能店 1/10/2023 12:30
by admin | 6 月 21, 2025 | Blog, 外賣, 小食, 旺角, 甜品
旺角 21/6/2025 15:00
麻薯QQ布丁 $12﹕一向都鍾意佢嘅麻薯波波，今期出左新產品，細細粒嘅麻糬布丁。有紫薯、草莓、特濃朱古力、開心果、原味。麻糬波一貫嘅好味，鬆軟煙韌，加上布丁勁幼滑，口感強烈對比。布丁奶香味濃，滑到入口即溶，真係將麻薯包質素再度提升。草莓中間仲有一層果醬，味道更香濃，酸酸甜甜，不錯。開心果味仲係開心果味布丁，真係被開心果沉浸。
爆漿開心果奶油包 $20﹕呢排開心果大熱，呢個包包勁滿足。麵包鬆軟香甜，中間係開心果奶油，開心果醬香濃，加上奶油香味，面層仲舖滿開心果碎，大大一個，早餐超滿足。
香蔥芝士麻薯波波包 $28﹕一向鍾意食甜口麻薯包包，今次試咸咪有驚喜! 香蔥味勁濃，中間收埋左芝士餡同一大舊麻糬，多到可以拉絲。
開心果糯米糍 $10﹕最鍾意呢度嘅糯米糍，外皮煙韌軟綿綿，啖啖米香味。大大粒，餡料多到爆，十蚊一粒絕對超值。一款開心果有粒粒開心果碎，堅果味勁香。
榛子脆脆糯米糍 $10﹕另一款係榛子脆脆，朱古力勁濃，又夠甜，加上脆米，口感豐富。
TIRAMISU千層撻 $14
法式千層開心果脆脆酥皮撻 $14
麻糬曲奇 $58
by admin | 6 月 15, 2025 | Blog, 外賣, 小食, 深圳, 西餐
深業上城 15/6/2025 16:00
今次點評又抽中咗兩份薯條餐，一份招牌蓋澆薯條加汽水任飲。人流明顯比上次少好多，生意難做了。
和牛風味薯條 36元：薯條新鮮即製，炸到金黃色，好吸引。外層脆脆我，內裡鬆軟，帶薯仔自然甜味，簡單加上少量鹽調味，淨食已不錯。薯條上舖滿牛肉粒，陣陣濃郁牛肉香氣，和牛特有嘅膻香鮮甜，牛油脂完全融入薯條之中，令平凡嘅薯條變得豪華。
雪花芝士薯條 28元
充分展現濃郁奶香與酥脆口感，濃厚嘅芝士粉點綴於薯條上，視覺與味覺雙重吸引。薯條表面灑滿雪花芝士粉，芝士粉質地細膩，啖啖濃郁奶香。除左芝士，仲帶香甜美乃滋，微酸微甜，更加惹味。薯條炸至金黃香脆，完全不見油膩，薯肉鬆軟。芝士粉輕微鹹香與薯條本身香味融合，非常好食。
自助醬料吧已經有更換，酸奶風味醬，多多一陣水果乳酪嘅香味，幾特別。不見黑松露醬，換咗一隻美式酸辣醬。
深業上城 2/3/2025 16:30
今次點評抽中咗兩份薯條餐，一份招牌蓋澆薯條加汽水任飲。
瀑布芝士蓋澆薯條 28元
每份薯條新鮮即炸，熱辣辣。當呢份瀑布芝士薯條實在太澎湃。薯條滿滿，上面有一層厚厚嘅熱溶芝士覆蓋，形成「瀑布」效果，再加上乾爽嘅雪花芝士同香蔥睇落超級邪惡！薯條外皮炸得金黃酥脆，入口就鬆軟綿密，薯味十足，本身有輕微嘅咸度，融化嘅芝士包住每條薯條，入口滑溜。芝士濃郁咸香，帶有香濃奶香，正！
意式肉醬蓋澆薯條 36元
另一份係更加豐富嘅意式肉醬。金黃酥脆的薯條堆得滿滿的，輕淋上一層芝士醬，味道甜甜的，再鋪上厚厚的一層意式肉醬，充滿番茄鮮甜，啖啖牛肉碎，味道就係正宗嘅意粉醬，非常豐富。
最後一定要試吓佢嘅六大醬汁，每一款口味都非常香濃，最特別係黑松露味食得出菇菌味，非常不錯。
勁爽飲品 （6元）又夠凍，而且無限添加實在太爽！
