深圳中洲灣 19/1/2025 11:00
點評抽到一份湯煮料理一人餐。湯底係白果藥膳豬肚雞湯，湯頭非常清新鮮甜，原汁原味，係健康嘅味道。熱辣辣，好暖胃，而且無任何加入調味料，亦都唔覺有味精，店家提供獨立包裝鹽和胡椒，係按需要自行加入。介紹話湯底加左黨參、沙參、西洋蔘同玉竹等，好滋補。細長透明的嘅粉絲吸飽左湯汁，好順滑。
配料有些排骨、潮汕手工豬肚丸、手工馬鮫丸，丸類爽口彈牙有肉汁，味道不錯。仲有好多新鮮蔬菜，如娃娃菜、冬瓜、生菜、薯仔、金菇、腐竹等。菜葉吸收湯汁，瓜類保留清脆嘅口感。
值得一提沙茶醬起左提味作用，新鮮淡嘅餸菜配料變得香濃。
牛奶桃膠雪燕頓時有驚喜，飲得出鮮奶嘅香濃，仲有好多細細碎碎嘅桃膠同雪燕，味道微甜，原汁原味。
越男仔@沙田 12/1/2025 18:30
沙田圍呢度其實都好多餐廳，今日食呢間越南仔，餐廳裝修充滿着好多玩味嘅佈置。
紅蕃茄火車頭煲 $155
天氣凍叫咗個火車頭煲，一上枱已經非常豪華。濃郁嘅蕃茄湯基底，酸酸甜甜，用料十足，食得出好多新鮮蕃茄肉，豆角，洋蔥等。火鍋材料非常豐富，包括牛肉片、牛筋、牛丸等。牛肉片嫩滑多汁，牛筋膠質滿滿，牛丸非常彈牙又爆汁。加$8加配黃薑飯絕對值得。黃薑味香濃，仲食得出好香嘅香茅同埋椰奶味。淋上濃郁嘅番茄湯汁，小朋友都胃口大開。天氣涼涼哋，食呢個熱辣辣嘅湯鍋實在非常正斗。
蒜蓉牛油海南雞脾撈金邊粉 $98
主角海南雞脾非常嫩滑，皮肉均稱，上面淋上蒜蓉牛油汁，濃郁而不過膩。金邊粉非常爽口彈牙，米味香濃，仲加咗好多新鮮蔬菜，好清爽。撈金邊粉嘅靈魂醬汁魚露，酸酸甜甜帶微辣，咸香味濃，清爽解膩，可算係食過最高質嘅撈金邊粉。
三色檬紙卷拼盤 $138
賣相一流，色彩繽紛。拼盤有三款特色檬紙卷，每款嘅基本元素係檬紙加滿滿嘅蔬菜同檬粉，蔬菜的確好新鮮。牛炸醬帶著燒烤香氣，牛肉軟嫩帶微辣。煙三文魚咸鮮味十足。手撕雞一絲絲肉質細嫩多汁，感覺健康又清爽。整道菜色彩鮮豔，好睇又好食。
椰汁拉茶紅豆冰 $36
以香濃嘅椰汁為基底，口感濃郁順滑，加上濃郁嘅拉茶。底下嘅紅豆煮至軟糯，帶天然香甜味道。飲品層感豐富，好飽足。
鮮菠蘿梳打冰 $35
另一款清新怡人嘅特飲，新鮮菠蘿酸甜適中。最驚喜就係原玻璃樽梳打，慢慢倒入菠蘿冰裏，菠蘿嘅自然酸甜味同梳打水非常夾，氣泡又夠晒多，非常清新，非常解渴。
餐點單價其實唔算平，全單$517，但係菜式份量同質素對得住價錢。無論係賣相，食物嘅味道，都食得出非常正宗講究。感覺上小店係自家經營，老闆及店員都非常之親切有禮，亦都好體貼小朋友嘅需要。好難得今時今日仲有咁嘅服務態度，全餐飯都係非常之滿足。
西貢 12/1/2025 13:00
今日來到西貢，海邊有好多舒適嘅餐廳，揀咗呢間Square，空間感十足非常適合親子。菜單選擇非常多，揀咗一款pizza，一份漢堡，再加一啲小食甜品。
BBQ Chicken Pizza $188
Pizza超級大個，好喜歡佢薄薄嘅餅底，口感煙靭，批邊脆脆的。材料非常豐富，有好多雞柳、燈籠椒，最重要嘅係一層厚厚嘅芝士。醬料係酸酸甜甜嘅燒烤醬，非常滋味。
Maple Bacon Cheese Burger $160
非常澎湃，賣相好靚嘅楓糖煙肉芝士漢堡。安格斯牛肉漢堡扒濃郁多汁，用楓糖漿烤至金黃酥脆嘅煙肉先最驚喜，脆到好似薯片咁，味道香甜。芝士都毫不吝嗇，完全覆蓋漢堡。麵包經過烤焗，但牛油香，外皮脆卜卜。
Cajun Prawn Aioli Chips $62
奇尊粉蝦 香蒜蛋黃醬薯條
金黃香脆嘅薯條，外脆內軟。上面加咗香蒜蛋黃醬，蒜蓉味香濃，帶少少辣味。上面仲有幾隻墨西哥風情奇尊粉蝦，爽甜彈牙，好新鮮。撈埋薯條一起食都好夾。
Hazelnut French Toast Box $138
睇相片已經非常吸引，實物來到簡直100% match，超級靚！大大件全個法式多士磚，原來中間加咗大量嘅榛子脆米醬，超級濃甜，脆卜卜。多士上邊有大量香蕉、朱古力片。值得一提雲呢拿雪糕好滑，而且士多啤梨係超級甜。為濃郁嘅甜品加一份清爽。
全單$600，主菜到甜品都大大件，份量十足，而且味道相當不錯。最喜歡佢環境舒適，座位闊落，小朋友需要嘅BB椅，兒童餐具都齊全，好適合一家大細，難怪人氣十足。
WM Café & Bar ＠馬鞍山
12/1/2025 10:00
意式蕃茄湯餐肉粒通粉配牛乳炒蛋及丹麥多士 $39
蕃茄湯味道非常濃郁，食得出淡淡蕃茄肉，餐肉非常大件，啖啖肉，好惹味。炒蛋嫩滑有蛋香，火腿薄薄一片丹麥多士牛油味香，非常鬆化。仲跟埋飲品，非常抵食。
吉列魚柳、牛乳炒蛋、香腸、火腿、薯餅、丹麥多士 $42
吉列魚柳非常吸睛，超級大塊，炸得香脆，肉質嫩滑，點沙律醬酸酸甜甜好清爽。薯餅香脆油膩，都相當不錯。
加配五香肉丁米粉$6，只需要$6咁大碗好抵食，肉丁份量唔少，而且味道香濃，啖啖肉又夠香辣。
19/12/2024 12:00
慢煮紅酒汁牛肋條意粉 $68
牛肋條非常多，煮得非常腍，醬汁濃郁，入晒味，意粉軟硬度啱啱好。午餐包括龍蝦丼，蒜蓉包同埋飲品，實在太抵食。
26/12/2022 12:00
漢堡包大大個，薯條新鮮即炸脆卜卜。西冷牛扒意粉，大大塊牛扒，加上燒汁。
29/5/2022 12:00
相當喜歡呢間餐廳，午市套餐非常之抵食。每日精選焗雞扒意粉，白汁帶子意粉忌廉味好濃，材料都非常多。最抵食係西冷扒飯，大大塊牛扒非常腍，配上醬汁好撈飯。小朋友就最鍾意食兒童餐，相當豐富，有小食、意粉、飲品、甜品。
萬象城 5/1/2025 12:00
深圳益田假日廣場 25/12/2024 12:00
「一口回到雲南」雙人餐 218元
套餐包括古法野生菌湯鍋配野生菌四併、走地雞半隻、黃牛吊龍、豆腐、娃娃菜。野菌湯底非常清甜，好香菇菌味，仲有啲金華火腿鹹鮮味，非常之幼滑香甜，不禁飲多幾碗。野生菌都煮到非常入味，索晒啲湯汁，一咬就爆汁。雞肉都唔少，配菌湯味道不錯的，都幾鮮甜。可惜就係吊龍好實淨，太鞋，真係同牛肉專門店好大分別。外面仲有自助醬料吧，款式非常之多，必試菇菌醬，非常惹味，淡啖啖菇香。
3.8元兩隻宏德酸辣傣味蝦。另外3.8元一個糖腿破酥包，外皮係銀絲卷非常鬆軟嘅質地，中間有金華火腿同埋砂糖甜甜地非常好味。試食過後忍唔住另外點多一籠 （28元/4個）。
三色麵 16元：賣相美觀，麵條煮得好腍，吸晒野菌湯好味。
紅土流沙米布 28元：賣相靚，新鮮即煮，熱辣辣。原來係米糊，非常幼滑，味道微甜的，米香味十足，上面加咗棉花糖，非常好味。
打卡送雲南玫瑰餅，外皮酥酥好似老婆餅咁，中間係鮮花餡，香甜有花香味。餐後仲有水果拼盤。
最後埋單尾數仲用43元買50元代金券，抵食！
馬鞍山 1/1/2025 18:30
馬鞍山 27/10/2024 18:00
大切炙燒醬漬長鰭吞拿魚 $12: 微辣醬油味濃，不錯。
大切麻油鹽漬黃鰭吞拿魚 $12: 麻油味香。
純白炸雞塊$28: 較為健康，啖啖肉之選。
北海道南瓜焦糖燉蛋蛋糕 $17: 香濃燉蛋滲透淡淡南瓜味，芝士蛋糕嘅口感，非常好吃。
馬鞍山 1/10/2024 20:00
馬鞍山 18/9/2024 19:30
馬鞍山 10/3/2024 12:00
