尖沙咀 16/7/2023 12:00

喺尖沙咀海港城發現呢一間日本過江龍，裝修都幾靚，長期多人排隊，今日終於的起心肝做少少佢食頭圍。

經典芝士漢堡$168

非常澎湃嘅一個粉漢堡，麵包非常光滑，牛油味香。中間厚厚漢堡扒充滿着肉汁，仲有蕃茄同埋生菜等配料，醬汁酸酸甜甜，非常開胃。配菜有新鮮的炸薯條，大大碗，脆卜卜。

日式咖喱吉列豬扒飯 $228

又係非常澎湃嘅一疊，吉列豬扒炸得非常香脆，而且超級大塊，中間嘅肉質都算可以。炒滑蛋嘅蛋味真係非常濃郁，而且仲好滑，充滿着蛋汁撈飯正好。咖喱汁另上，可以按口味自行淋上，咖喱口味偏甜，係典型嘅日本咖哩，味都幾香。

士多啤梨疏乎厘班戟$148

一睇就知非常鬆軟，有彈性嘅疏乎厘班戟，入口即溶，空氣感十足，蛋香味重。配上忌廉，新鮮士多啤梨，酸酸甜甜。

價錢唔平，味道不錯，質素成正比，不過冇特別驚喜。