棕櫚閣西餐廳＠旺角維景酒店
22/2/2019 19:00
同一班老師食春茗飯，黎到佢地嘅主場，話呢度抵食。
酒店已有一啲歷史，餐廳都係比例平實。
刺身幾靚、壽司一堆、仲有一杯杯迷你前菜。
各式火腿凍肉，仲有沙律。
冷盤仲有好多海鮮，定期有青口、螺、蟹、蝦等，但好快俾人掃晒。
樣樣野都大大件大大碟。三文魚都係勁厚切。
熱盆選擇都好多。
比較好食有燒牛肉同埋燒烤部，串燒都唔錯。
甜品時間。
一個凍櫃放左好多杯杯甜品，
檯上仲有好多蛋糕。
杯杯甜品比較好味，印象深刻啲有奶凍、木糠布丁、朱古力慕絲等。
價錢係平，食物選擇唔算多，比較適合鍾意食海鮮嘅人。
食物唔算精緻，普普通通，的確岩成熟人味，非常平實，所以真係比較多年長嘅熟客仔。
0 Comments