雅叙閣西餐廳＠旺角

22/2/2019 19:00

同一班老師食春茗飯，黎到佢地嘅主場，話呢度抵食。酒店已有一啲歷史，餐廳都係比較平實。

坐落旺角太子附近地理位置相當方便。自助晚餐都非常抵食。食物款式都算多前菜刺身都相當新鮮，葉盤選擇還可以。刺身幾靚、壽司一堆、仲有一杯杯迷你前菜。各式火腿凍肉，仲有沙律。冷盤仲有好多海鮮，定期有青口、螺、蟹、蝦等，但好快俾人掃晒。樣樣野都大大件大大碟。三文魚都係勁厚切。熱盆選擇都好多。比較好食有燒牛肉同埋燒烤部，串燒都唔錯。

反而甜品有驚喜，除咗冬季之外枱上面仲有好多各式各樣嘅蛋糕，色彩豐富，賣相都幾好，味道相當不錯。杯杯甜品比較好味，印象深刻啲有奶凍、木糠布丁、朱古力慕絲等。

價錢係平，食物選擇唔算多，比較適合鍾意食海鮮嘅人。

食物唔算精緻，普普通通，的確岩成熟人味，非常平實，所以真係比較多年長嘅熟客仔。