天后 10/6/2024 17:00

旺角 3/3/2024 17:00

估唔到旺角火車站收埋咗一間排隊人氣名店麵包舖，各大網絡媒體都推介。從櫥窗見到所有麻糬麵包色彩繽紛，非常吸引。

麻糬QQ球 $48/6個

一盒裝住六個麻糬QQ波賣相好靚，麻糬球都幾大個，麻糬本身煙煙韌韌，估唔到比較軟熟嘅質地。仲幾濕潤，再加上唔同味道，非常甜。

朱古力Oreo：中間係煙煙韌韌嘅嘅朱古力味道麻糬，面層灑上Oreo碎，相當甜。

朱古力豆豆：同樣都係朱古力味麻糬，面層加左脆皮朱古力，MM豆。

脆皮紫薯：面層好似菠蘿皮脆卜卜，中間麻糬仲有粒粒紫薯肉，好驚喜。

另外買咗盒士多啤梨爆漿牛角酥$28，賣相吸引，牛角酥本身好脆，中間係微甜微酸嘅士多啤梨忌廉，凍冰冰好好味。