長沙灣 18/2/2024 15:00

今日行過長沙灣經過呢一間專食冰凍甜品嘅舖頭，環境相當闊落企理，推埋BB車入去都冇問題。

甜品選擇非常多，有好多刨冰類型嘅。

宇治金時$49 ，冰底係綠茶口味，冰感十足，有淡淡的綠茶味。上邊加咗好多紅豆，都煮得夠腍，甜度適中。白玉小丸子煙煙韌韌。同埋一個大大嘅綠茶雪糕球，奶香味龍，綠茶味都可以。

只屬於你$55，浪漫嘅名字，原來係紫薯味。粉紫色嘅紫薯冰底，淡淡紫薯味，配上白玉小丸子，仲有兩大粒香芋雪米糍，上邊一大大個香芋味雪糕。

香蕉船配三色雪糕球$43，大大碟香蕉船，香蕉都幾甜，但略嫌生咗少少，肉質有啲硬實。自選揀咗士多啤梨、朱古力、抹茶味雪糕，每個雪糕球都相當大個，味道濃郁。香蕉上面加左鮮忌廉，啖啖奶香味，總之上濃郁嘅朱古力醬，非常豐富。