雞絲粉皮 $28

31/5/2015 18:30

從馬鞍山群組得知新港城又開左間上海菜館，原來真係好旺場，六點黎到已經要等位四十五分鐘。
 

紅油抄手 ($38)
賣相係唔錯既，雲吞外皮薄薄幾滑溜，內裡菜肉餡都幾多，都有肉汁。紅油汁係醬油加辣油再加蒜泥，味道偏咸辣，無乜甜味。

三哥排骨菜飯 ($48)
係此店招牌菜，排骨熱辣上檯，份量唔少，菜飯用雞公碗裝住，都算大碗，飯面加上醬汁三選一，要左鎮江汁。豬扒較薄，粉唔算厚，炸得幾脆，肉質好鬆化軟腍，味甜有肉汁，係唔錯既。菜飯用上珍珠米，煙韌彈牙，加菜都幾多，好送飯。鎮江汁酸酸地好開胃。

招牌擔擔麵 ($30)
湯底由花生、麻醬、辣油、香料等製成，麵上鋪著肉燥同蔥花。湯底略嫌唔夠濃郁厚實，有微花生香味。麵質好腍好滑溜，掛湯都可以。整體唔算特出。
鮮磨豆漿 ($10) 唔算太甜、有豆味，似係自家製。