火箭餐廳＠迪士尼樂園

23/5/2022 13:00

一家人黎迪士尼參加女女幼稚園畢業禮，之後玩足一日，午餐係火箭餐廳解決。

Klook買餐飲券，一套＄149，可以換一份＄140或以下嘅套餐加一枝雪條或爆谷。另外一套＄85，可以換一份兒童餐。

兒童套餐 ＄90  有細蘑菇雞扒包、粟米、一枝礦泉水。

炸雞籃套餐＄125
有兩大件炸雞、薯條、汽水，炸雞好脆卜卜，中間仲好Juicy，比相像中好喎。

香脆魚柳漢堡套餐 ＄130
魚柳好大塊，突晒出黎，都炸得幾脆，啖啖肉，配埋沙律醬同菜，味道不錯。

黎得主題樂園預左餐飲價錢係樂園價，同市區無得比，但求野食好味少少就算。呢幾個餐味道都可以呀。