2015九州蜜月追櫻之旅 第二日 [2.4 園遊哥拉巴]

by | 3 月 30, 2015 | 2015九州蜜月追櫻之旅, 九州, 旅遊, 日本 | 0 comments

下一站グラバー園。
貫徹慳家性格,搵到原來買預售券有優惠。原價¥610,優惠價¥510。先喺觀光通Family Mart用購票機買票。幸好無白廢咁多年學日文,成功用到Famiポート購票。
兩點零鐘,坐電車到達終點站石橋,步行往登山自動電梯。知道哥巴拉花園喺山上,為左不走回頭路,選擇喺石橋站上山,仲可以搭電梯,唔洗自己爬上山。
 
登山電梯中段,有平台可以望到長崎市內。今日天氣都好好,風景唔錯。
 



長崎櫻花發現!
 
到達後門入口換票入場。入到去先發現原來公園係依山而建,更加興幸採取逆行方法遊覽,沿路下山更加舒服。
日本開放鎖國政策後,哥巴拉公園一帶是洋人嘅住宅區 「外國人居留地」。公園充滿著西洋風情,可眺望長崎港。園內有日本最古老嘅木造洋館,哥拉巴宅邸等九棟西洋風建築。蘇格蘭出身的貿易商哥拉巴(Glover)對於日本產業近代化具有相當貢獻,公園內洋館建築有三棟已被日本指定為國家重要文化財,可以讓人了解長崎居留地時代嘅軌跡。園內風景唔錯,閒時有櫻花、水池,影相一流。
 
 
 
 
行左一個鐘就離開,再喺下山路口嘅大浦天主堂門外影相。不裹處仲見到好得意嘅長崎蛋糕神社。
 
漫步商店街,見到有土產店,多間長崎蛋糕名店。黎日本最開心不過是試食唔洗錢,試食仲要係大大舊任試唔嬲。沿商店街落山,已經試過唔少長崎名產。
 
試食點都唔夠飽嘅,四點鐘夠鐘食下午茶。角煮饅頭亦係長崎名物,岩崎本舖更係名店,更得到長崎特產最優秀獎,長崎市內總有一間喺左近。就算想買,都可以試食,一人一舊,試食嘅份量都幾乎有四份一個包。咁試完好食又唔怕再消費,買一個角煮饅頭 (¥400) 當下午茶。新鮮熱辣到燙手絕對無得頂,包係好似饅頭咁,再軟身濕潤一啲。中間夾住一塊厚切豚角,幾乎比包皮還大。三層豬腩層次分明,滷到入晒味,甜甜嘅醬油充滿住成塊豚肉,肉質鬆軟到入口即溶,又唔會過份油膩,食完一件更加開胃。
 
到達山腳就見到另一間名店,就係長棒麵始創店四海樓,可算係旅人必去食肆。但怕遇上團體客閉店或久等,又希望令行程更加順暢,惟有放棄,長棒麵留待豪斯登堡再食吧。

Archive

0 Comments

Submit a Comment

發佈留言必須填寫的電子郵件地址不會公開。

漁語魚

外賣@深圳深業上城 26/5/2024 18:00 太好味,話咁快兩星期後又encore。 金蒜原味酸菜鱸魚 62元:蒜味十足依然好食。 藤椒金湯酸菜黑魚...

麵包新語

深圳深業上城 26/5/2024 17:00 草莓魔法棒 15.8元:賣相靚,麵包皮係士多啤梨味,中間忌廉加上大大粒士多啤梨,酸酸甜甜。 迷你馬卡龍...

Kumo Kumo

深圳深業上城 26/5/2024 17:00 茉莉輕茶芝士蛋糕 49元 芝士蛋糕質哋濕潤黏口,芝士味本身好濃,再加上香濃茉莉花味,香味相當突出,非常特別,但唔太啱個人口味。 深圳益田假日廣場...

粿王卤虾

深圳深業上城大食代 26/5/2024 17:00 麻辣串串 5元@

閱蓮軒潮汕甜品

深圳園岭 26/5/2024 13:00 食完熱辣辣嘅牛火鍋,食番個凍冰冰嘅甜品。 芋圓椰皇凍...