三點喺碼頭落船，漫遊門司懷舊區。經過三井俱樂部，係愛因斯坦紀念館。舊門司稅關其實都係免費入場，不過要行遠啲所以就此略過。遠望仲見到門司港懷舊展望室同藍翼門司大橋。
再黎到海峽廣場進行濕平活動。廣場係一個集雜貨店、美術館、餐飲店為一體嘅綜合性購物娛樂設施。有各式各樣土產店，出售北九州的土特產、和式點心、工藝品、紀念禮品等旅遊商品。
廣場門外仲有著名嘅香蕉先生。門司港最出名係香蕉手信，所以喺度狂買左好多。
廣場地下仲有一間蜜糖專門店。
試左一杯蜂蜜軟雪糕 ¥360。質地非常滑，牛奶味同蜂蜜味配合得好，底下係蜂蜜粟米片，整體幾好味。買完手信就繼續下站，搭番JR去小倉。
0 Comments