2015九州蜜月追櫻之旅 第六日 [6.6 小小倉]

by | 4 月 3, 2015 | 2015九州蜜月追櫻之旅, 九州, 旅遊, 日本 | 0 comments

由門司港黎小倉真係好快,四點就到小倉駅。小倉駅最特別嘅係高架單軌列車。離開車站穿過商店街去小倉城進發。商店街細細條,主要係便利店、雜貨、服裝等生活用品,非常地道。
 
由車站去小倉城,沿過都有指示,慢行大約二十分鐘就到達城堡。呢個城細細的,但有櫻花影襯都唔錯。由於行過唔少城,個個內部都係差唔多,就此唔再入場,只係城外留影。
 
 
 
城外就係複合商場River Walk。商場中間有地面水舞湧泉,以時尚服飾類為主,其次是雜貨,並有北九州藝術劇場、北九州市立美術館分館、西日本工業大學、NHK北九州放送局等,都幾大,但人流好少,有啲冷清。
 

簡單行過小倉城同River Walk,就回程返車站。特登小繞路去一去魚町銀天街同旦過市場,其實真係好地道市民嘅街市。繼續經商店街行番車站,經過便利店,買到期間限定嘅Haagen Dazs。

 
 
Blueberry Cheesecake ¥284,非常十分極之好味。外層係焦糖脆皮,有芝士味。中間雲尼拿芝士味雪糕配流心藍梅醬,正。
  
另一款Strawberry Crunch ¥294更勁。士多啤梨脆脆外皮,好似feel到有果肉咁,味道香甜,同間係牛奶味雪糕,再配流心士多啤梨醬,絕頂。
 
無諗過小倉原來無乜特別野睇,五點幾行晒可以提早返歸。再去JR綠色窗口劃位,改搭18:05回程,可惜因為人太多,仲無孖位坐。不過車程尚短,18:47返到博多。

Archive

0 Comments

Submit a Comment

發佈留言必須填寫的電子郵件地址不會公開。

Fufuland

羅湖火車站大樓 25/7/2024 10:30 可愛的鬆餅,在羅湖關口一出就見到,非常方便! 今日平日,唔使排隊,鬆餅色彩繽紛,個個都好吸引,好可愛。 立即買一個來試一下。...

漁語魚

外賣@后海匯 21/7/2024 18:00 完全破記錄,竟然同一個品牌食三次。 今次加咗牛肉餅,外皮係酥皮,中間免治牛肉輕微辣味,不錯。感覺上呢間分店酸菜魚湯底輕手少少,冇咁辣。...

豆叻

深圳保利文化廣場 21/7/2024 16:00 抹茶雪糕怪獸杯 15元...

可言可頌

深圳保利文化廣場 21/7/2024 16:00 雙人打卡四件套餐 32元 鮮奶藍莓可頌:黑色嘅可頌,非常特別,中間有奶油加藍莓果醬,仲有幾粒藍莓。...

ARTEASG

深圳保利文化廣場 21/7/2024 16:00 黑糖珍珠有機奶 13.8元...