淺草最出名鰻魚飯、另一出名係天婦羅。今行決定去浅草うな鐵食鰻魚。淺草實在太大，有啲迷失，雨中行左一輪中午一點先搵到呢間店，原來就係浅草駅前不遠處。呢間Tabelog 3.54名店，裝修唔算好古舊，上層二樓仲有開揚遠景睇到河。
店方提供午市套餐，日本國產鰻魚不嬲都貴，午市有套餐感覺優惠少少。總共叫左三客套餐。
ダブル重セット ¥6,930
傳統蒲燒鰻魚飯，呢份係兩條鰻魚，份量好澎湃，鰻魚多到有部份重疊。鰻魚燒得好香，外皮仲有輕微脆脆，肉質好腍，油脂豐富。白飯都加左醬汁撈勻，非常好味。
一人桶（うなぎたっぷり）1尾 ¥4,530
桶裝鰻魚係蒸鰻魚飯，鰻魚無咁香口，入口更加腍。
一人桶（うなぎたっぷり）1尾 ¥4,670
呢款鹽燒係店方獨家研發，味道比較清爽，鰻魚都好腍身。除左就咁食之外，仲可以加茶漬撈勻，就有另一番風味。
連稅總共¥16130，非常矜貴，味道不錯的一餐。
0 Comments