兩點零食飽飽後見雨細番少少，可以重返仲見世通行下。沿路都係小店舖賣零食果子、特色工藝品。

淺草寺後仲有一條西參道商店街，入口就有一間花月堂，賣巨型蜜瓜包。買左一個配雲尼拿雪糕(¥500)，其實係新鮮熱辣嘅菠蘿包配凍冰冰雲尼拿雪糕。菠蘿皮外脆好鬆脆，包包本身好軟熟，雪糕奶味香濃，不錯。
 

離開淺草西參道商店街，諗住去附近嘅地產店まるごとにっぽん，點知咁岩盤點休息。惟有提早完成淺草行，移步去晴空塔。淺草實在太多，原來有好四個淺草車站，一定要搞清楚方法先。原來行去淺草線都幾遠，仲要搵升降機上落都用左唔少時間。