28/3/2024 10:00

趁第二日天氣好，先安排戶外行程重頭戲。今日坐文湖線去到尾站「動物園站」，車程都只係二十分鐘。文湖線係高架鐵路，沿途都睇到台市內景色。落車行出口行幾分鐘就到動物園門口。

是次搵到Klook歡樂券套票，包括動物園門票、遊園列車單程及貓空纜車來回票，每套$65，因為大小同價只買四套，扣除平台優惠，平均每套約$62，抵到爛。 (原價﹕動物園入場券NT$60+遊園列車NT$5+貓空纜車來回NT$120X2 = NT$305 =HK$76) 而小朋友就散買入園，但原來動物園兒童遊客價都係NT$60。

初入園落小雨，還好可以先去室內場館睇下，第一個必去一定係「熊貓館」。落地玻璃見到入面有兩隻都幾生猛嘅熊貓，仲有一個戶外地區，生活環境唔錯喎。熊貓館樓上有間熊貓餐廳，就計劃中午再黎呢度食。

睇完熊貓再周圍睇山下園區，呢度好多動物都係隨地放養。印象較深刻就係兒童動園區有幾隻好搞笑嘅草泥馬、狐獴等。臺灣動物區仲有梅花鹿、黑熊等。行入昆蟲館有一個好大嘅蝴蝶溫室。