深圳星河World Coco Park 10/12/2023 12:00

一直都想試潮汕牛肉火鍋，但係多間人氣名店都好多人。今日嚟到偏遠少少嘅地方，發現呢一間潮汕牛肉火鍋專門店。環境相當闊落，帶小朋友都冇問題。喺點評買咗一個豪華2-3人餐 218元。

套餐包括三個小火鍋，每張枱面就有四個細電子爐，一人一鍋唔使爭。

出邊有自助醬料枱，仲有餐前小食海苔脆，而且一白飯任裝。

牛骨湯鍋底一問已經有好香嘅牛味。套餐包括幾款不同部位嘅牛肉，包括吊龍、肥姘、嫰肉，試過就覺得牛味香濃，肉質又夠滑。毛肚大大塊，非常之爽口。

牛多寶四宮格包括：黃喉、金錢肚、牛筋、牛腩，款式幾多，略為質地比較實。

隨餐包括梅林午餐肉、蔬菜拼盤、潮汕粿條，粿條索晒牛肉湯嘅味道，非常之滑，好味。最後打卡送上一碟甜品，煙煙韌韌嘅客家糍粑。

價錢唔貴，材料豐富，可以試到唔同部位嘅牛肉，不失為一個潮汕火鍋嘅入門級。