深圳園岭 26/5/2024 13:00

食完熱辣辣嘅牛火鍋，食番個凍冰冰嘅甜品。

芋圓椰皇凍 32元﹕賣相非常靚，原個椰皇上面舖滿三色迷你芋圓波波。芋圓煙煙韌韌，幾彈牙。椰皇凍非常幼滑，椰香味勁香甜，好清爽。另外仲有一杯冰涼又新鮮椰子水，喜好自行添加，更加清爽。

芝麻芋泥雪花冰 26元﹕非常澎湃，雪花冰底有牛幼味，非常夠凍。中層係勁濃芝麻味芋泥，食得出芝麻顆粒，真材實料。上面再加上芝麻味芋圓，煙煙韌韌。另外跟一杯煉奶，淋上冰面多一份香甜，更加好食。

以為平平無其，估唔到味道咁好，又夠特色，值得再來。