米氣@黃埔 11/9/2022 12:00

紅磡主打日式米飯嘅專門店，點餐自由度相當高，前菜、主菜、白飯、甜品，都可以自由配搭。

紅酒汁煮牛肋條慢煮至燉得軟腍入味，輕輕用叉一撥就輕鬆分開，口感柔嫩，紅酒醬汁非常入味，混合洋蔥、胡蘿蔔等配料嘅微甜，令整體味道豐富。蒜蔥燒牛肩肉卷每一片牛肩肉切得薄，牛味都幾香，內裡夾著新鮮蒜蔥，帶有微微辛辣嘅清新感，完美平衡咗牛肉嘅油膩。日式風情咸鮮味海苔醬灑上一點芝麻增添香氣，簡單又美味。

選擇咗月見博多地雞團子，蔥燒牛舌配明太子飯。雞團子口感紮實又嫩滑，咬落滿滿肉汁，味道香濃。搭配一隻半熟溫泉蛋蛋黃，輕輕攪拌之後，帶一層滑溜溜嘅金黃色濃郁蛋香，成個味道更柔和。蔥燒牛舌用日式醬料腌製，微微焦香，口感煙韌彈牙，表面鋪滿蔥花。米飯質感香甜軟糯，飯粒粒飽滿，煮得剛剛好，既夠彈牙又帶有天然甜味，明太子微辣鹹鮮味濃。

豚軟骨煮有濃醇嘅日式醬油同味醂嘅甜鹹，少許生薑同蒜頭嘅香氣，豚軟骨經過長時間燉煮，醬汁味道已經非常入味。茶碗蒸質感絲滑，充滿濃濃嘅高湯香氣，配料包括蝦仁、香菇同青豆，為簡單嘅蒸蛋帶來更多豐富變化。

茶碗蒸質感絲滑，充滿濃濃嘅高湯香氣，配料包括蝦仁、香菇同青豆，為簡單嘅蒸蛋帶來更多豐富變化。櫻花蝦味噌漬非常入味，海味濃郁。

蜜柑白玉賣相靚，蜜柑果醬嘅清新酸甜，甜味則恰到好處，自然果香而唔甜膩。而白玉子本身無味，每粒都Q彈十足，抹茶凍茶味香濃，加上甜甜嘅紅豆，非常清爽又日式嘅甜品。

米氣雪糕呈淡奶白色，質地幼滑，雪糕面帶有少許烤米碎點綴。入口真係淡淡米香，甜度適中。

價錢唔算平，性價比一般，但係係非常有日式家庭風味。