深圳后海匯 12/11/2023 16:00

小店係一個非常之冇人去嘅商場，有幾非常矮身嘅露營枱椅，主打做外賣。

叫咗兩份厚蛋吐司三文治加小食，賣相十分討好，材料非常澎湃，多到滿瀉。

蟹柳魚子醬、薯條、咖啡套餐 36元 + 25元

其實係非常之大件嘅蟹柳炒蛋，蛋非常滑，蟹柳都好多，上邊仲有一大堆飛魚子，口感豐富，充滿日式風味。吐司本身牛油味好香，仲加咗唔少生菜同埋沙律醬，估唔到咁驚喜。薯條都係新鮮即炸，粗身，啖啖肉。

豪大大雞扒 29元

雞扒調味非常之濃郁，佢本身都好滑，油香豐富，加上滑蛋，都係非常好味。

估唔到簡單一件吐司可以整到咁好味，價錢唔太貴，份量非常之足夠，值得推介。