深圳萬象天地 21/4/2024 12:00

今日落大雨，打斷咗原定嘅計劃，轉場去萬象天地試吓呢一間人氣高嘅西餐廳。位置就係平台半戶外位置，選擇坐喺開機長枱，環境相當闊落，寫意。

精選親子brunch 258元

兒童餐：卡邦尼意粉、炒蛋、薯條、橙汁。卡邦尼意粉奶香味濃味道不錯。

慢煮牛腹肉三文治：份量非常澎湃，三文治鬆軟，中間夾咗好多唔同嘅配料，牛肉、生菜，醬料等等配合得宜。薯條新鮮即炸，粗身啖啖肉。

奶油草莓鬆餅：賣相討好，鬆餅係比較實淨嘅熱香餅，厚度十足，蛋香味牛油味濃。士多啤梨非常多，仲有士多啤梨醬同埋奶油，整體配合得好好，非常飽肚。

海鹽奧利奧蛋糕：估唔到呢件蛋糕咁大件，鬆軟嘅朱古力蛋糕，中間加咗鹽味奧利奧醬，再灑上餅碎。

卡布奇諾：咖啡味道不錯。

冰搖桂花烏龍茶：冰涼，味道比較清淡。

環境舒服，套餐非常豐富，賣相又靚，味道不錯，估唔到咁飽肚，非常滿足。