Flames＠黃埔

14/8/2022 12:00

夏威夷薄餅，手工薄餅餅底薄餅有啲厚度，而且有嚼勁，烤得剛剛好，外圍有那麼一點酥脆，內裡卻是軟嫩且有層次。面層舖滿烤菠蘿，酸酸甜甜，一咬仲會爆汁，感覺超清新！再加上鹹香的火腿片，而且芝士俾得超足，多到可以拉絲，非常好味。

---

10/7/2022 12:00

今日想去黃埔玩，經Openrice搵到呢間餐廳勁多好評，訂位仲有七五折優惠。點知黎到仲有一個更優惠嘅優惠，原來假日叫一份Holiday Brunch就送一份兒童餐。最後買二送二勁抵。

黑松露卡邦尼扁意粉 ＄108
可以話係食過最好食嘅Carbonara，無懸念。意粉硬度剛好，忌廉味勁重，好香黑松露味，煙肉、雜菌、洋蔥嘅配搭，整體真係好好味。

葡式燒雞扒漢堡配薯條 ＄128

非常澎湃嘅一份漢堡，雞扒大到突番出黎，好吸引。漢堡仲有番茄、生菜等配料。將佢解體，雞扒有辣味，有肉汁，可惜麵包略為乾身。薯條都係非常多，新鮮炸起，脆到不得了。

迷你炸魚薯條配他他醬

迷你？真係迷你？一大碟你話係正常Size我都信。兩大件魚柳炸得香脆，粉漿唔厚，配上偏酸嘅他他醬，好味。

番茄肉醬扁意粉

呢份就合理Size嘅迷你意粉，但味道相當不錯。番茄味濃，肉醬亦相當多。

兒童餐一份原價＄68，一個迷你主菜加一個雪糕。細細碗兩個小雲呢拿雪糕球，口感較為黏身，唔似一般平價雪糕，有驚喜。

食物賣相，味道都係非常好，單叫一份Brunch一百零蚊，跟飲品已算非常合理。而家仲送多兩份兒童餐，就真係抵到離晒譜。一定會Encore！