27/12/2015 20:30

馬鞍山終於開番啲人食嘅餐廳! 新開張無耐，等位是常識。店舖唔細，但今次都等左大半個鐘。呢間係餐廳形式運作，相對Food Court食物選擇會多啲，價錢貴少少亦係理所當然。

日式咖哩牛肉拉漢堡扒飯 $73
咖哩汁偏甜微辣，但好淡口。反而漢堡扒做得唔錯，幾鬆軟，亦夠肉汁。

珍寶黑椒牛肉飯加芝士 $69
牛肉相當多，加芝士的確味道豐富好多，仲要自行加蒜蓉汁先係最佳配搭。

點餐可加$15轉套餐，包括一款小食同飲品。薯蓉雖然漏單，但入口幾綿密，醬汁味道亦唔錯。