Sensory Zero@科學園

13/11/2022 13:00

今日嚟到科學園參觀展覽嘉年華，科學園餐廳都幾多，呢一間裝修比較靚，仲有Tatami座位坐。

痴_線朱古力咖啡：火爆嘅名字，原來實物真係的確好黐線，朱古力係多到滿瀉，朱古力咖啡上邊係黑白相間既朱古力碎，非常澎湃，非常甜。

大滿足早餐係非常豐富嘅早餐，除咗一般嘅香腸、炒蛋之外，仲有一塊貓頭形狀嘅焗喵喵多士。今餐包括一杯鮮乳酪，奶味香濃，酸酸甜甜。

巨。午餐肉芝士雙份日本滑蛋牛角包：真係非常之大件澎湃嘅牛角包，材料多到滿晒出嚟，大大塊芝士下面係兩大件厚切午餐肉，非常邪惡。

西京燒三文魚炒雜菜飯：非常之日式嘅風味，醬汁比較甜，仲有好多蔬菜，好健康。

和牛漢堡：份量非常之澎湃，高到十足，好好嘅黃牛用芝士包住，上面仲有一塊超級長嘅煙肉。小食仲有新鮮即炸，香脆嘅薯條。

法式貓多士配雲呢拿雪糕：得意嘅名字，有兩大塊貓形狀嘅西多士，配上雲呢拿雪糕同埋水果，非常香甜。

菜品嘅命明非常搞笑，所以睇餐牌都用咗唔少時間。