Simplylife @ 沙田 31/7/2022 12:00

收到Eatizen有張八五折優惠券，特登出黎沙田食個Sunday Brunch。

＄143一set，有餐湯，主菜，仲有冰茶。

麵包專門店嘅麵包都不錯，加上奶香味嘅牛油。餐湯南瓜湯夠濃味，仲有粉粉粒粒好杰身嘅感覺，小朋友勁鍾意。

車打芝士牛肉漢堡配煙肉。牛肉漢堡牛味濃，都保持到肉汁，不錯。薯條新鮮即炸，熱氣十足。

芝士奄列大大件，滑溜溜，中間仲有好多蛋汁。配上薯角，非常飽足。

焦糖香蕉法式多士。多士本身係鬆軟，仲充滿蛋香。香蕉又夠甜。加配煙肉，非常豐富。

質素高，價錢略貴，但今次有八五折，值得！