壽司郎 坑口

by | 4 月 30, 2023 | BB Friendly, 壽司, 將軍澳, 拉麵, 日式料理, 甜品 | 0 comments

坑口 30/4/2023 11:00

壽司郎黎到香港已經開咗好耐,咁耐都未試過,今日嚟到坑口發現仲可以網上預約。憑網上預約到店,等一等就可以入座,減省好多排隊時間。

用平板電腦落單,睇圖片揀嘢食,送餐直接送到座位,出菜速度非常之快。

叫咗幾款魚生類別,三文魚幾先甜,吞拿魚腩非常之肥美,啖啖油香。最鍾意火炙系列,暖暖地加上沙律醬幾好味。帶子都好鮮甜。碎吞拿魚軍艦只需要$12 ,非常抵食。總括嚟講魚生都好新鮮。醋飯大少少甜醋味,輕微黏口,幾鍾意呢種壽司飯底。

叫咗一碗豚骨叉燒拉麵,估唔到湯底幾濃郁,質素不錯,拍得住一般拉麵店。天婦羅炸物都新鮮即炸,熱辣辣$19一碗茶碗蒸,滑到不得了,入口即溶,湯底香甜。

最後係甜品環節,估唔到甜品都咁多選擇,朱古力香莓雪糕巴菲特大杯,牛奶味雪糕奶味濃郁香甜,淋上朱古力醬同埋各款雜莓,酸酸甜甜。抹茶口味加上抹茶蕨餅,口感煙韌綠茶味濃。日式布甸蛋味十足。卡達拉娜係芝士味極濃郁嘅蛋糕,凍冰冰。蜜瓜容器裝住酸酸甜甜嘅雪芭。

Archive

0 Comments

Submit a Comment

發佈留言必須填寫的電子郵件地址不會公開。

岸與茶

深圳中洲灣 24/3/2024 15:30 今次又抽中大眾點評免費試,雖然餐單只價值50元,但近近地嚟到中洲灣食都可以當下午茶,原來係潮式茶店。 阿嫲手作甜湯 25元...

壽司郎

馬鞍山 10/3/2024 12:00

Fresh Fresh 簡品堂

旺角 3/3/2024 17:00 估唔到旺角火車站收埋咗一間排隊人氣名店麵包舖,各大網絡媒體都推介。從櫥窗見到所有麻糬麵包色彩繽紛,非常吸引。 麻糬QQ球 $48/6個...

貴族甜品

長沙灣 18/2/2024 15:00 今日行過長沙灣經過呢一間專食冰凍甜品嘅舖頭,環境相當闊落企理,推埋BB車入去都冇問題。 甜品選擇非常多,有好多刨冰類型嘅。 宇治金時$49...

良工坊 豬軟骨叉燒豚骨拉麵

山姆專供 14/2/2024 12:00