夏日解暑良方,體驗冰凍湯拉麵

by | 5 月 29, 2011 | 拉麵, 日式料理, 旺角 | 0 comments

麵一@旺角
29/5/2011 19:30

一間位置超方便,但唔起眼嘅新店舖。未有開飯網嘅評語,唔係因為有團購,係冇打算去試。集購城$20買到$50用,一口氣買左三張,共有$150quota食個晚餐。因為網上未有太多意見值得參考,求其想食乜就食乜。

叉燒豬骨湯拉麵 ($50)
湯底有豬骨味,點點深黑色可見有用黑麻油提味,感覺仍然較清爽唔算濃郁。拉麵尚算彈牙,叉燒外型討好,肉質鬆軟,但無乜肉味。最衰溏心蛋係普通半熟蛋,冇浸醬汁黎調味,但流心度尚算可觀。
凍醬油餃子拉麵 ($46)
新奇、有趣、前所未有嘅新體驗。醬油湯、麵、材料,全部都係凍嘅。一碗凍拉麵,加送六大粒冰粒。相信有花心機計算過溶冰時間,食完成碗麵時,冰係剛好溶晒。凍左嘅麻油醬汁湯底,初期仍然有甜有味,但清水冰粒溶左後,湯變得稀釋。如果佢肯花多啲心機,改為用湯雪成冰,整個感覺更加良好。凍嘅餃子皮太厚太多粉,夾起變得鬆散。冷拉麵比熱湯拉麵更加清爽彈牙。夏天試試凍湯拉麵都唔錯,但仍有不少進步空間。
小食叫左日式醬汁炸雞 ($28) 同大人氣嘅炸芝士餅 ($28)
日式醬汁炸雞不止醬汁唔夠濃,仲出現嚴重乾硬化,肉已經炸到好硬好乾。
但炸芝士餅就好唔錯,外層類似麻糬年糕,炸得香口,內層係奶味濃郁嘅半溶芝士。食起來都能夠做到拉絲效果,讚!
埋單找數,多謝兩蚊,隔離位聽到即刻呆左。
正價$152,唔洗加一,用左團購券,只需補番二個大洋。正式黎講,以$62食到份量十足,拉麵都叫做OK質素,係滿意嘅。如果以正價黎計的話,旺角搵唔到飯食,又唔想食連鎖的話,呢度都可以係其中一個選擇。

Archive

0 Comments

Submit a Comment

發佈留言必須填寫的電子郵件地址不會公開。

侍元拉麵

荃灣海之戀 26/11/2023 13:00 點評抽到兩份試食現金券,價錢$90。 小店坐落荃灣海之戀,舖位相當細少,座位亦比較窄,唔太適當帶娃。 白武士九州風櫻花蝦豚骨湯拉麵 配餃子套餐$64+...

明記潮鍋

旺角 19/11/2023 12:00 餐廳就係旺角一座唔顯眼嘅商業大廈,搵地點都用上一些時間。餐廳相當大,但中午人客稀少,真係唔知佢點做生意。 午市特惠商務套餐 (每位$198)...

十和田壽司

科學園 5/11/2023 13:00 滑蛋豬扒飯定食 味噌牛肉飯定食﹕牛肉幾軟,醬汁多送飯一流。 汁煮豬軟骨讚岐烏冬﹕豬軟骨煮得非常軟腍,亦好夠味道,烏冬煙煙韌韌,不錯。...

Hi-tea

馬鞍山 29/10/2023 12:00 魔鬼芝士一口炸雞 14/10/2023 9:00 早餐外賣 8/10/2023...

壽司郎

馬鞍山 8/10/2023 17:00...