深圳燕南 19/5/2024 17:00

大眾點評筆記抽到免費試，羊蠍子火鍋睇個名好似好驚，原來係羊嘅脊椎骨部份，今次免費當然要試吓。

招牌羊蠍子 2斤：鍋底熱辣辣，羊肉都好多，仲有唔同嘅調味料。湯底非常濃郁，但係輕微麻辣味。羊蠍子係比較多骨，骨中間仲有骨髓，外面有一層筋骨，肉比較實淨，膻味唔重。鍋內有一個內蒙肚包肉，原來係蒙古知名小食。 用羊肚包住羊肉餡，羊肚口感爽脆，羊肉鮮嫩夠腍，非常特別。

食到一半仲可以加入凍豆腐，豆腐雪到成舊冰咁，慢煮20分鐘，蜂巢豆腐可以索晒啲湯汁。另外仲有油麥菜、鵝腸麵。麵條彎彎曲曲，比較粗身扁身，煮耐少少，入口非常幼滑。

配菜有韓式辣泡菜、東北翠花酸菜。

南瓜餅 20元：自行加配南瓜餅，炸到脆卜卜，略為有啲油，太熱氣，中間南瓜蓉都幾甜。

幾特別一個火鍋，一個不錯的嘗試。