In 城市廣場 18/5/2025 12:30

焦糖芝麻拿破侖酥

點評打卡可以免費獲得卡瑪王子焦糖芝麻拿破侖酥。酥皮表面撒滿烘香嘅芝麻粒，每層酥皮薄如紙，入口即化，鬆脆到不得了。帶住濃郁嘅奶油香，仲有焦糖香味，滿滿芝麻濃香慢慢散發，非常好味。

---

塘朗寶能環球匯 1/10/2023 18:00

難得去遠啲嘅商場，見到唔洗排隊嘅卡瑪王子，二話不說就買一堆麵包可以包辦全家明天嘅早餐。

點評券11元4個迷你腸仔包，靚靚仔仔，非常飽滿，麵包香甜鬆軟，腸仔味濃，咪睇佢細細隻，都係超高水準。

肉鬆小方 6.9元﹕舖滿紫菜肉鬆，中間係酥皮香脆，好味。

爆漿奧利奧 14.9元﹕賣相相當吸引，滿滿Oreo味，略甜。

最鍾意打包非常仔細，分類獨立包好。比較香港其實價格偏貴，但係質素係高嘅，而且款式獨特。