深圳中航城君尚 16/3/2025 18:00

吳酥生近排推出了一款新包點有驚喜! 試食完後決定即買唔好錯過。

安佳黃油年糕 13.8元

麵包的外層金黃色，入口脆卜卜，散發出陣陣牛油香味，其實內餡藏著厚厚嘅年糕，口感超級Q彈軟糯，食得出天然米香，味道微甜，正正做到外脆內糯嘅口感，非常好味。最岩鍾意食黏黏糯糯嘅我。

閃電泡芙 7.8元

賣相非常靚，輕盈鬆軟嘅泡芙皮作為基底，外層微脆，仲灑上糖份。泡芙中間係豐厚細滑嘅奶油內餡，一咬爆漿，食得出雲尼拿香草味，忌廉輕柔清爽。

---

深圳中航城君尚 22/9/2024 17:00

提子Q心麻糬只需15.8元，絕對物超所值！每一粒麻糬都圓潤飽滿的小球，柔軟彈滑，內餡提子酸甜味美，用量實在慷慨。

肉鬆小貝僅僅18.8元共有六個，實在太抵食！每一粒小貝外觀都相當吸睛，肉鬆同海苔鋪滿表層，中間嘅蛋糕鬆軟又輕盈，滿滿奶油醬一咬爆開。

---

深圳中航城君尚 21/4/2024 18:00

知道呢一間包餅店好耐，終於試一試，價錢平過大品牌好多，但係質素相當唔錯，值得encore 。

豆乳蛋撻 9.8元x2: 賣相不錯，酥皮本身都幾酥脆，不過可能放耐咗有少少腍，中間嘅豆乳布甸豆味香濃，非常幼滑。

提子Q心麻糬 15.8元：一大袋份量都唔少，每粒波圓轆轆非常飽滿，口感柔軟又富有彈性，中間嘅提子乾俾得多，質素唔錯。

肉鬆小貝 18.8元：一盒有六個，相當抵食，賣相不錯，肉鬆海苔份量唔少，中間嘅蛋糕好鬆軟，醬汁非常多，爆晒出嚟，質素相當高。