樂富 1/2/2025 16:00
三色芋圓豆花 $32
三種色彩鮮艷嘅芋圓係靈魂所在，分別有紫薯、芋頭同南瓜口味，色澤誘人，每粒外觀圓潤可愛，咬落口感Q彈煙韌，帶住淡淡嘅天然香味，甜度恰到好處。豆花細膩柔滑，豆香濃郁，入口即化，與芋圓嘅煙韌形成完美對比。
奶蓋布丁燒仙草 $36
頂層係絲滑濃郁嘅奶蓋，帶淡淡淡奶香同微鹹嘅味道，入口濃厚幼滑。布丁部分其實就係豆腐布丁，質感細緻，入口即化。底層仲有嘅燒仙草，透出陣陣草本清香，帶有微微嘅回甘，完全中和咗奶蓋同布丁嘅甜度。所有材料完美融合喺一齊，每層口感同風味都充滿層次。
沙田 12/1/2025 19:30
三色芋圓豆花 $30
豆花以濃郁的豆乳製成，入口滑順，豆香味濃。三色芋圓軟糯彈牙，紫色芋圓係紫薯，白色芋頭，黃色番薯帶有微微的甘甜，滿滿溫暖。
拉絲麻糬芋薯豆花 $45
新推出冬季期間限定嘅豆花甜品的，有最鍾意嘅拉絲麻糬。以豆花為基底，加上辣味十分嘅薑湯水。豆花依然入口即化，充滿大豆香。亮點一定係拉絲，麻糬軟韌Q彈，食得出微甜嘅米香，而且韌度十足，絕對能夠拉絲。仲有大大件三色芋薯，粉嫩芋頭、與金黃香味番薯，仲有香香紫薯。完完全全就係番薯湯水加豆花。
沙田 3/2/2024 16:00
今日嚟到沙田，知道河畔花園收埋咗一間豆乳狂人，正好可以買個豆花做下午茶。小店細細只做外賣，買返屋企慢慢嘆。
黑糖珍珠豆花$28
豆腐花本身豆味重，都非常滑，豆腐花嚟講質素相當高，味道微甜， 正好食得出豆嘅香味。其中一款加上黑糖珍珠，多一份黑糖味，珍珠煙煙韌韌，配合豆腐花相當不錯。
三色芋圓豆花$30
另一款加上我最愛嘅三色芋圓，芋圓都相當多，口感煙韌，食得出有芋頭、南瓜、紫薯味道，相當不錯。
原來唔同分店餐牌唔同價錢都唔同。
樂富 30/7/2023 15:00
今日嚟到樂富廣場食完個午餐，見仲有空間搵甜品食。就喺附近見到呢一間豆腐花專門店，環境相當闊落，有座位，又可以放得入BB車，非常正。
三色芋圓豆花 $32
呢款比較簡單，只係豆腐花加三色芋圓，芋圓都口感煙韌，有南瓜、紫薯等味道，相當不錯。豆花本身都幾滑，豆味幾香。
紫紫之選 $63
期間限定嘅一款甜品，配料相當豐富，粉紫色賣相好靚。豆腐花幾重，質地實淨得來都算滑。除咗豆腐花之外仲加咗紫薯蓉，口感綿密，味道清甜。出面仲有非常多嘅三色芋圓，每粒抖音煙韌韌，味道幾突出。
估唔到一碗平平無奇嘅豆腐花都可以變得咁豪華，真係新一代食法。
0 Comments