17/8/2022 13:00

今日去烏溪沙搵朋友仔玩，玩完後食個好味午餐，朋友推介呢間台式餐廳。

揀左全日套餐有主食、小食加飲品，都抵食喎。

點左酥炸豬扒紅燒湯台灣麵配滷水牛肚，另外叫左杯奶蓋抹茶。

炸豬扒相當脆，炸皮好薄，啖啖肉，不錯。台灣麵湯底幾香濃，仲有少少辣味，不錯。

牛肚細細碟，味道都ok，幾夠入味。

奶蓋抹茶係跟餐加＄25，淡淡抹茶味，奶蓋都係薄薄的，呢杯飲品就一般啦。

朋友食鹽酥雞，試食左一舊，都好脆，仲好Juicy，下次可以再試。