大街餅店@香港迪士尼樂園 23/5/2022 16:00

下午茶時間少少肚餓，上網見過大街餅店嘅甜品靚到不得了。一入去就見一個大甜品櫃，放滿冬甩，件件冬甩都有唔同卡通人物嘅特徵。最後女女揀左黃色嘅Winnie The Pooh。

買左一個套餐，一件Winnie The Pooh 冬甩，配特飲汽水，價值＄68。

呢個冬甩實在太靚，外層係脆卜卜嘅朱古力，包住入面係冬甩麵包，唔太甜，不錯。

飲品就揀左幻彫雪花冰，其實就好似刨冰，加左唔同味道嘅果汁，仲有啲啫喱係上面，酸酸甜甜，夠晒凍。

另外係出面街嘅小賣店買左呢個米妮雪條。靚架。應該係士多啤梨加朱古力味。