徐杯杯粉圓仙草@Uber Eat 27/3/2024 22:00

返到酒店梳洗好之後，發現時間尚早，加入咗Uber試用一個月，可以無限運費，即刻試吓order甜品。好快就收到貨，效率非常高。

牛奶芋圓嫩仙草 NT$75: 材料非常多，面層鋪滿仙草，味道好香，非常滑。仲有好多珍珠，芋圓爽粒，煙煙韌韌，味道香濃，本身牛奶底唔算太甜，夠晒凍，不錯。

珍珠鮮奶茶 NT$75: 奶茶味道不錯，茶底都幾香，珍珠煙煙韌韌。

黑糖仙草凍飲 NT$55: 黑糖味比較濃嘅奶茶配仙草。

估唔到隨便叫一個外賣質素都相當高。