興安四海豆漿 31/3/2024 08:30

今日早餐想再飲豆漿，行遠少少試另一間傳統豆品店。離遠都見到排緊隊買食物。小店用餐空間都大，有張長檯適合我地，旁邊仲可以放BB車。

豆漿 NT$25﹕豆味香濃，都幾幼滑，但感覺上不及上次間洪記。

米漿 NT$25﹕第一次試深啡色米漿，味道勁濃，有點烘烤味道，唔太岩個人口味。

蒸餃 NT$8X6﹕餃子飽滿大大著，菜肉餡都幾多，味道不錯。

招牌酥皮蛋餅 NT$35﹕係傳統蛋餅再加上酥皮煎，多一分香脆油香。

肉鬆蛋餅 NT$35﹕蛋餅味道幾好，肉鬆都俾得足夠。

小籠湯包 NT$90﹕賣相相當不錯，皮唔算太薄，勝在有味肉有肉汁。

韭菜盒 NT$45﹕大大隻，外皮香脆，韭菜夠多。

咸蛋飯團 NT$45﹕大大個飯團，咸蛋油炸鬼肉鬆等相當足料。

品質味道尚算不錯，個人更喜歡洪記。