深圳景田婦兒大廈 15/5/2024 15:30

下午茶選擇呢間靚咖啡廳食三層架。

點評買券繽紛英式下午茶118.8元

有三層架點心拼盆下午茶配三杯飲品。賣相一流，瘋狂打卡。點心有一杯提拉米蘇，口感幼滑，咖啡、忌廉芝士味平衡不錯。芝士蛋糕味道濃，口感黏稠，不錯。黑松露野菌酥塔，黑松露味又好濃，野菌味又好夠，塔餅係曲奇皮，幾鬆脆，不錯。香芒蝦酥塔，蝦肉大大件，加上香芒忌廉奶香味重帶微酸。青醬面包烘得幾脆。雙魚麵包係吞拿魚配燒三文魚多士，加上沙律醬，配搭幾得意。火腿麵包係多士配煙火腿加生菜。牛酒果盞，一個餅皮上舖滿牛油果。另外兩款相應該係餐單上轉左款，一個雜果撻味道香甜。另一個係辣肉碎撻，肉碎香甜帶辣味，好刺激。

揀左三杯飲品都唔錯，賣相仲好得。巧克力生椰可可，熱的朱古力味同生椰配合得宜，味道濃甜。凍的雖然沖淡少少但味道仍然不錯。生打椰香芒有好多芒果肉，配椰汁係絕配。

另加9.9元有多一件芝士蛋糕配咖啡。簡單揀左冰美式咖啡味純香。

一個字靚，味道還不錯。香港呢個價錢一定食唔到。