惠籮餅店@天后
2/7/2012 15:00
2/7/2012 15:00
食完甜姨姨，行番落銅鑼灣，經過呢間餅店，驚現人龍。趁墟八一八，原來麵包新鮮出爐，個個都大袋大袋咁掃貨，睇見芝士波波都非常多粉絲，貪得意又買兩個黎試下。
芝士QQ波 ($2)
麻糬波波係達到燙手加燙口嘅熱辣程度，外皮係脆脆硬硬的，中間係軟腍略帶煙韌。味道少甜，有微微芝士香，都幾好。再加埋新鮮即食，滿足感更強勁。恨不得再買多十個，邊行邊食。
事後網上一尋，原來呢間餅店係區內街坊人氣名店，真係失覺晒。佢嘅菠蘿包，蛋撻都相當出名，不過可能未遇岩出爐時間，緣慳一面。 事實證明，喺香港搵食，只要瞄準人龍所到之處，得閒無野做就四圍八下，凡事趁墟，唔洗睇食評，未做功課，都可以搵到好野食。
0 Comments