美團外賣@福田 22/11/2023 18:00

薄皮小籠包 (7個) 13元﹕超驚喜高質素出品! 皮非常薄但都無穿，肉餡比較腍身，充滿肉汁。配上秘制醬汁係咸甜醬油，加微酸加辣，辣得好過癮。

鮮肉小籠包 (8個) 12元﹕係饅頭麵包皮包住鮮肉，包皮本身幾香，肉相當腍，但肉汁就被包吸晒。

鮮肉蒸餃 (8個) 12元﹕餃皮比小籠包略厚，包的肉餡大致相同。

雞蛋煎餃 (8個) 18元、雞蛋煎包 (8個) 18元﹕﹕在煎餃或包嘅基礎上加上大大塊蛋皮，相當飽肚。

雞蛋火腿鴛鴦粉 21元﹕係米粉配河粉，份量都唔少，餸料主要有菜、蛋等，火腿略為少，但整得炒得幾香口。

普通包裝，返到屋企微暖，加熱食會更好。每款十幾蚊有呢個質素實在超值，值得回購。

食物94+配送費6+餐盒12 = 112元，再扣減優惠實付83元。