都會海逸酒店 9/4/2023 12:00

適逢復活節有優惠，小朋友又可以自費參加甜品工作坊，就試吓呢一間嘅自助餐。

上邊一排全部都係食物嘅攤位，有唔少凍海鮮，仲有生蠔，生蠔唔算太大隻，但算幾鮮甜。旁邊仲有幾款冷盤同埋沙律。刺身款款都厚慘，非常新鮮鮮甜，旁邊仲有唔少日式小食同埋壽司。

熱食方面選擇相當多，除咗有廚房整好嘅世界各地美食之外，仲有一個粥粉麵檔，幾鍾意食佢嘅小雲吞，細細粒。仲有各式各樣嘅燒烤食品。

甜品選擇都非常多，期間限定復活節主題造型小食甜品，賣相都非常可愛。蛋糕類甜品都非常多，有爆谷同朱古力噴泉雪糕係movenpick，仲有新鮮即焗嘅疏乎厘等。

呢個自助餐相當受歡迎，仲有本地遊團體客，就人比較多，座位之間比較密

復活節期間小朋友可自費參加甜品工作坊，有甜品主廚教小朋友整白兔型cupcake，簡簡單單，製成品都幾得意，完成後仲有證書添。