2014大阪京都七天遊之第二日 [2.1 出發嵐山,漫遊天龍寺]

by | 4 月 9, 2014 | 2014大阪京都七天遊, 旅遊, 日本, 關西 | 0 comments

把握最精力充佩嘅第二日遊走京都追櫻,第二日嘅行程最令人期待。

07:30 可能因為時差一個鐘,七點未夠已經醒左,當然可以提早出發跑行程! 去京都車程需時一個鐘,先去買個麵包填肚,再去搭車。酒店有出口直結鐵路地下街,一出門口就見到呢間Saint Marc Cafe,出名食牛角包,買一個朱古力味Choco Cro(¥180)當早餐。鬆脆嘅牛角包中間係特濃流心朱古力醬,不錯吃!
 

第一站目的地係嵐山,由梅田出發,最方便又最抵嘅交通方法就係阪急電車。再利用阪急二日券乘車大放題,抵上加抵。搭上08:00通勤特急到桂,再轉普通車去嵐山,全程需時五十五分鐘。話明係通勤特急,當然見到有唔少通勤嘅黑衣人。呢個時間係日本人上班嘅高峰期,喺鐵路站見到人潮全部都係著晒深色西裝嘅上班族,場面真係好壯觀,Matrix感十足。
 

落車後由向トロッコ嵯峨野駅進發,途經中之島公園、渡月橋,已經見到好多櫻花。適逢旅遊嘅呢幾日,係京阪櫻花滿開至吹雪嘅高峰期,的確,我地遇上好多靚靚嘅櫻花。
 


09:20 到達トロッコ嵯峨野售票處,按原定計劃坐11:35嘅6號車(票價¥620)。可能職員知道我地係遊客,唔需要特別提出,佢好自然就安排第五卡坐席,仲要係雙數嘅A及B坐位,可算係全場最佳位置! Happy! 第一日到達機場完全忘記左買票呢田口,只好當日到場買,好彩錯有錯著,買到只限當日發售嘅第五卡開放車箱,實在不得不講句,早起鳥兒有著數!

買完票仲有大約一個鐘時間空檔,決定將天龍寺行程提早。途經出名嘅嵯峨可樂餅(¥90)買左一個黎試,外皮好鬆脆,薯蓉好綿密,有些少牛肉碎同洋蔥,都幾好味呀。

再見到Arinco,係Tabelog 3.53甜品名店。買左一個宇治綠茶味Arinco Sand (¥308),微甜嘅清雪芳蛋糕加上抹茶雪糕,做早餐都唔錯。
 
 

09:45到達天龍寺。天龍寺係世界文化遺產,係「京都五大禪寺」之首,可算係嵐山必遊景點,入場費¥500,一遊無妨。行左大約半個鐘時間,有山有水有花有竹林,大自然環境影相一流。
   

離開庭園後,再俾多¥100入寺內庭參觀大方丈、書院、多宝殿,要除鞋先可以行入去。踩上木板好軟好舒服,行入內庭更有風味。

  
參考
Saint Marc Cafe www.saint-marc-hd.com/cafe
Arinco www.arincoroll.jp
天龍寺 www.tenryuji.com

Archive

0 Comments

Submit a Comment

發佈留言必須填寫的電子郵件地址不會公開。

良工坊 豬軟骨叉燒豚骨拉麵

山姆專供 14/2/2024 12:00

熊貓燙火鍋

寶安壹方城 13/2/2024 11:00...

Luckin Coffee 瑞幸咖啡

寶安壹方城 12/2/2024...

鮑師傅

寶安大仟里 12/2/2024 17:00 迷你芝士麻糬非常大包,芝士味濃,煙煙韌韌好好食。 新產品黑糖麻糬,大大個,上邊好大塊嘅黑糖麻糬,黑糖味濃,煙煙韌韌,比想像中好食。...

奈鹿食亭 家庭料理 小食堂

深圳皇庭中心 28/1/2024 17:00 今次抽到大众点评免費試,一個單人套餐。 京都照燒肥牛丼飯、蜂蜜芥末蔬菜沙拉、深海鱈魚扒、日式冰皮大福、味噌湯、蜜桃烏龍冷浸茶 (77元)...