10:50 準備去搭小火車，去番嵐山駅搭JR幾個站去馬堀，車程大約10分鐘。出閘後已經有地圖指示去小火車車站嘅方向。沿住田園路旁行十分鐘左右，有櫻花滿開，又有一大片廣闊田園，非常舒服。
去到トロッコ亀岡駅，見到傳說中嘅木製車站，經過長長嘅木製斜路，到達車站月台大堂。上面已經好多人，好熱鬧，人人都好期待小火車出現。6號車發車時間係11：35，小火車於11：30駛入月台。今日實在太多人，又有旅行團，所以都搞左一段時間先迫到上車。
傳說中最佳座位係第五卡嘅雙號，因為第五卡係開放車箱，左右兩邊都無玻璃窗，睇風景更清楚，仲可以感受陣陣涼風。今日天氣唔錯，吹風都無乜問題。第五卡嘅氣氛亦好好，的確無揀錯，只係過隧道時比較凍。至於觀景方面，小火車沿住保津峽行駛，好風景嘅會見到保津峽，另一邊就會係山景。亀岡向嵐山方向的話，雙號位置頭三份二時間都會見到保津峽，後段會係山景。單號位置則相反，所以的確係雙號座位比較著數。
小火車一路行駛，見到河上唔同形狀嘅岩石，非常天然嘅風景。短短廿幾分鐘車程真係舒適寫意。仲間唔到見到有船仔經過，呢架船可算係保津峽一個豪華玩法，用兩個鐘時候泛舟遊覽保津峽，適合有時間hea遊嘅人士。
傳說中最佳座位係第五卡嘅雙號，因為第五卡係開放車箱，左右兩邊都無玻璃窗，睇風景更清楚，仲可以感受陣陣涼風。今日天氣唔錯，吹風都無乜問題。第五卡嘅氣氛亦好好，的確無揀錯，只係過隧道時比較凍。至於觀景方面，小火車沿住保津峽行駛，好風景嘅會見到保津峽，另一邊就會係山景。亀岡向嵐山方向的話，雙號位置頭三份二時間都會見到保津峽，後段會係山景。單號位置則相反，所以的確係雙號座位比較著數。
小火車一路行駛，見到河上唔同形狀嘅岩石，非常天然嘅風景。短短廿幾分鐘車程真係舒適寫意。仲間唔到見到有船仔經過，呢架船可算係保津峽一個豪華玩法，用兩個鐘時候泛舟遊覽保津峽，適合有時間hea遊嘅人士。
值得一提，小火車車長會一直做廣播，介紹沿途風景，亦會失驚無神唱幾句歌，好搞笑。
離開小火車站進入竹林，見到幾個嵐山常見嘅人力型男，向遊客介紹人力車遊嵐山嘅服務。再行前幾步已經進入竹林範圍，竹林裡空氣好到不得了，涼浸浸好舒服，身處竹林之中，真係好似世外桃園，宮崎駿動畫世界一樣。
竹林嘅盡頭就係野宮神社，出名祈求良緣同學業，仲有日本神社牌坊最原始、最古老嘅黑色鳥居。完成小火車、竹林遊，向最熱鬧嘅嵐山商店街進發。
參考
嵯峨野トロッコ観光鉄道 www.sagano-kanko.co.jp
野宮神社 www.nonomiya.com
野宮神社 www.nonomiya.com
0 Comments