2017關西親子遊 第三日 [3.1 QQ神戶動物國王]

by | 11 月 14, 2017 | 2017關西親子遊, 旅遊, 日本, 關西 | 0 comments

八點零起身落樓下難波Walk買早餐,兩個麵包幾好味。今日會搭阪神電鐵往神戶,用阪神一日券,¥700任搭全線,淨係來回兩程已經有賺。搭到8:24快速急行,直通尼崎唔洗轉車,9:09就到神戶三宮,動物園未咁早開門,仲有少少時間,喺阪神站行去Port Liner,經過超市又買左少少野食補給。

 
黎到Port Liner服務中心買套票,¥1500包來回車票加動物王國入場券,叫做慳左個車費,都不無少補。

十點就黎到動物王國,從車站向外望,真係無諗過呢度收埋左個動物園。

動物國王分為內園同外園,呢度最出名就係有好多小動物走街行俾你任摸。剛開園人少少先去入門級同小兔玩下。初頭紫凝都驚驚地,慢慢捉住佢手摸下啲毛毛,就覺得好得意,之後仲周圍追住啲兔玩。

預著10:30有草泥馬Walk,又去摸下影張相。見到附近有咁多檯椅,坐低食埋個早餐。飯團幾多餡料,醬汁又多,唔錯。而家好Hit嘅透明奶茶就真係好睇唔好食,係好假好淡嘅奶茶味。

今日落雨,出Outside Park快行一個圈,幸好園提供遮可以借用,真係貼心到不得了。外園有企鵝、鹿、駱駝等,如果唔係落雨,都可以睇耐啲時間。

11:30霸位睇網友大推嘅Bird Show,真係唔錯。有好多唔同品種嘅雀仔,表演唔同技能,仲有意安排啲雀喺觀眾頭先飛過,氣氛好好。

睇完表演後俾BB食午餐,園內有好多檯枱俾人食野,身邊都係樹木都動物,呢個環境食野好得意。最後行番全場一個圈,園中間有個湖,有鴨仔周圍行。

園內仲有好多影相位,可以同啲動作零距離接觸,仲試過餵鱘魚。
見埋動物國王主角水豚君,玩到一點就離開。

 

Archive

0 Comments

Submit a Comment

發佈留言必須填寫的電子郵件地址不會公開。

良工坊 豬軟骨叉燒豚骨拉麵

山姆專供 14/2/2024 12:00

熊貓燙火鍋

寶安壹方城 13/2/2024 11:00...

Luckin Coffee 瑞幸咖啡

寶安壹方城 12/2/2024...

鮑師傅

寶安大仟里 12/2/2024 17:00 迷你芝士麻糬非常大包,芝士味濃,煙煙韌韌好好食。 新產品黑糖麻糬,大大個,上邊好大塊嘅黑糖麻糬,黑糖味濃,煙煙韌韌,比想像中好食。...

奈鹿食亭 家庭料理 小食堂

深圳皇庭中心 28/1/2024 17:00 今次抽到大众点评免費試,一個單人套餐。 京都照燒肥牛丼飯、蜂蜜芥末蔬菜沙拉、深海鱈魚扒、日式冰皮大福、味噌湯、蜜桃烏龍冷浸茶 (77元)...