by admin | 7 月 20, 2026 | Blog, 甜品, 荃灣, 西餐
荃灣 20/7/2026 12:00
開始暑假狂食之旅，第一站荃灣。鍾意呢間Cafe環境闊落，非常舒服，可以慢嘆一個中午。
日本芥辣蛋沙律配薯片及西班牙辣肉腸 $98﹕蛋沙律綿滑細膩，入口即化，沙律醬加左芥辣，一陣微微嗆勁，辛香惹味好特別，加上薯條脆卜卜，辣肉腸咸香微辣，呢個前菜好開胃。
扒日本豚肉 $178﹕日本豚肉表面金黃微焦，切開豚肉中間嫩滑多汁，肉質厚實彈牙，沾少少燒汁已經好好食。配菜仲有粒粒焦糖蘋果，酸甜果香同豚肉好夾，南瓜綿密清甜，滿足。
黑松露野菌菠菜意粉$128﹕陣陣黑松露、香蒜嘅味道，意粉彈牙有嚼勁，條條掛滿香濃醬汁。野菌爽滑多汁，菠菜清新解膩，整體適味鹹香濃郁，越食越惹味。
Garden Party Croffle $108﹕牛角包窩夫脆卜卜，層層鬆化，陣陣牛油香。忌廉清爽微甜，食得出水蜜桃烏龍茶香，甜而不膩，加上士多啤梨清甜多汁，賣相靚又好味。
Latte $48﹕拉花細緻，一黎到已聞到陣陣咖啡嘅醇厚香氣。今日係Fruity咖啡豆，咖啡入口醇厚，苦中回甘，微微果香酸甜感，奶泡幼滑順喉，甜而不膩。
主菜不錯，仲有靚甜品同靚咖啡完美收尾。
by admin | 6 月 16, 2026 | Blog, 上海菜, 台式, 小食, 港式, 荃灣
荃灣 16/6/2026 13:30
劉興記二人份。
招牌生煎包 $35﹕生煎包煎到底部金黃香脆、油亮亮，脆卜卜夠晒香口，一咬爆汁，鮮甜惹味，肉味濃郁。
蟹粉生煎包 $80﹕同樣煎到底脆皮，蟹粉金黃油潤，都幾鮮香，濃郁鮮味之選。
麻醬青瓜雞絲粉皮 $45﹕份量唔少，雞絲幼細嫩滑、鮮甜入味﹔青瓜絲清脆爽口都幾新鮮，最正係嗰個麻醬夠晒香濃幼滑。
雞湯小雲吞加一隻生煎包配可樂 $66﹕陣陣濃郁雞湯香，湯色清澈金黃，幾鮮甜。小雲吞就皮薄餡靚，浮喺湯面晶瑩通透，一啖一隻，雲吞皮滑溜溜、薄到入口即化，入面肉餡鮮甜彈牙、肉汁飽滿。套餐有一隻生煎包，跟埋罐可樂就最正，非常豐富。
上海小籠包 $40﹕咬開小籠包，先飲一下鮮甜濃郁嘅湯汁，肉餡紮實彈牙、肉味濃郁，個人最鍾意沾啲陳醋，酸咪咪非常好食。
by admin | 2 月 2, 2025 | BB Friendly, 兒童餐, 小食, 尖沙咀, 沙田, 甜品, 荃灣, 西餐, 麵包
尖沙咀 2/2/2025 19:00
豆腐花新地筒 $6
杞子金絲谷新地筒 $6
ikea又有新花樣
豆腐花新地筒冰凍豆腐味雪糕，再灑上黃糖，入口即化，食得出豆香味，非常清爽，甜度剛好，可惜冰感略重，還好甜筒夠新鮮，脆卜卜。
另外一款更有創意。杞子金絲菊新地筒，夠晒清熱解毒。食得出杞子金絲菊嘅甜味，味道香濃，仲帶一點甘甜，根本就係冰左嘅涼茶。
$6 大大杯, 份量非常足夠，抵食。
沙田 18/9/2024 11:00
絕對係一間被傢俬耽誤嘅餐廳。
焗白咖喱海鮮麵包盅 $59: 賣相吸引，麵包中大大個，打開個蓋已經聞到白咖喱香味。麵包焗得脆脆，麵包吸滿白咖喱汁，微辣，香味濃郁，非常對板。麵包唔算太厚，所以入邊嘅內容非常之豐富，除咗有大大片嘅魚柳之外，仲有兩隻大蝦仁，驚喜發現仲有一粒帶子。味道相當不錯，絕對抵食。
兒童餐 $19: 平到咁嘅兒童餐都唔知邊度搵。
小食拼盤 $49: 最愛當然係蜜糖味滿滿嘅香腸。
紅酒慢煮牛面頰肉扁意粉 $49: 牛面頰肉非常腍，煮得入味，相當不錯。
另外宜家傢俬小食部今期係芒果椰子味雪糕新地。味道幾濃厚，食得出係呂宋芒加椰子味，非常有熱帶風情。
沙田 25/12/2023 12:00
5/3/2023 15:00
自選乳酪、芋泥系列
26/6/2023 15:00
奶茶雪糕、鯊魚乳酪
16/10/2022 15:00
宇治金時
4/9/2022 12:00
19/12/2021 12:00
by admin | 11 月 30, 2023 | Blog, 拉麵, 日式料理, 荃灣
荃灣海之戀 26/11/2023 13:00
點評抽到兩份試食現金券，價錢$90。
小店坐落荃灣海之戀，舖位相當細少，座位亦比較窄，唔太適當帶娃。
白武士九州風櫻花蝦豚骨湯拉麵 配餃子套餐$64+ $24
賣相都可以，份量適中。湯底薄薄嘅豬骨味，有唔少櫻花蝦，拉麵正常，流心蛋可以接受，最好食反而係大大片又厚身嘅叉燒，肥瘦適中，幾爽口。餃子係菜肉餃，炸得香脆，內餡豐富。反而小食仲好食過拉麵。
侍元濃厚味噌豚骨拉麵 配炸雞套餐$64+$24
湯底淡味噌味，拉麵麵質尚算可以。流心蛋同叉燒反而比較好。炸雞係咁多款之中最突出，大大件，炸皮唔算厚，香脆可口，啖啖肉有肉汁，不錯。
完全是港式口味。
by admin | 11 月 26, 2023 | 台式, 甜品, 荃灣
荃灣 26/11/2023 17:00
餐廳非常大，環境幾闊落，枱椅都好大張。
揀咗兩份甜品做下午茶。
招牌燒仙草 $50: 賣相相當唔錯，仙草鋪滿一個半，加上好多芋圓，仲有一個芋泥球。味道唔太甜，芋圓口感煙韌。
紫米紅豆湯 $48: 份量大碗，紅豆夠腍夠粉爛，微甜。亦都有加咗好多芋圓。
by admin | 11 月 26, 2023 | Blog, 中菜, 荃灣
荃灣 26/11/2023 18:00
菜館座落荃灣某大街，要行樓梯上一層樓。菜館係傳統舊式菜館，衛生環境不太理想，每枱椅都貼近，幾乎背靠背，實在唔太適合帶小孩。如果唔係點評抽中$400現金券，都非常確定係唔會選擇呢D餐廳。
滷水鵝 $148﹕大大碟，賣相吸引，滷水鵝配上滷豆腐。滷水鵝啖啖肉，肉質嫰滑，都相當入味，特別要加上酸醋更加惹味。豆腐都好腍滑。
蠔仔肉碎粥 (小) $78﹕估唔到小碗都咁大碗。蠔仔相當多，隻隻都大大粒漲卜卜，非常鮮甜。配料仲有肉碎，方魚等，湯底幾清甜味道不錯。
潮州炒麵線 $118﹕份量大，潮州麵線係扁身麵線，配上蝦、鮮魷、蛋、芽菜等，醬料咸鮮味足。
超大杯檸檬茶 $38﹕的確好大杯，茶底濃郁，檸檬夠晒多，非常解渴。
環境唔討好，但食物質素高，菜色相當地道正宗。價錢合理，成年人聚餐可以考慮。
