by admin 6 月 21, 2025 | Blog , 小食 , 尖沙咀 , 法國菜 , 西餐
尖沙咀 21/6/2025 13:00
上次同最佳飯腳去過嚟沙田呢間時尚法國菜餐廳食早午餐套餐，食過翻尋味，今次encore尖沙咀分店！繼續來個Weekend Brunch，有齊頭盤、主菜、飲品，仲可以追加甜品。
炸辣蟹球：外層炸至金黃酥脆，切開中間係滿滿忌廉內餡，內餡以嫩蟹肉為主，搭配綿密嘅薯蓉，帶鮮甜蟹香，濃厚而不膩，帶丁點辣味提鮮，夠晒惹味。
煙三文魚拼盆 +$25: 煙三文魚啖啖海味，啖啖煙燻咸香味。手工製作嘅酸種麵包外層烤至金黃酥脆，天然麥香味道香甜。雅枝竹蘸醬味道濃郁，帶橄欖油香氣，配搭煙三文魚非常清爽。
澳洲牛胸腹扒 $175: 牛扒表面輕微烘烤至金黃微焦，已經預先切開，側面透出啖啖粉紅色，熟成度非常精準。牛肉肉質柔嫩，輕輕帶點咬勁，依然保持到豐富嘅肉汁。啖啖濃郁嘅牛肉香氣，肉味鮮甜加上微微油脂香。不經過度調味，係原汁原味。再簡單加幾粒海鹽提味，更加好味。燒薯粒味道香濃，醬汁香甜，火箭菜新鮮帶苦。
盲鰽魚海鮮鍋 $170:盲鰽魚外皮煎得焦香酥脆，肉質爽滑，魚肉香甜。黑青口同蜆保留著海鮮本身嘅鮮甜味，飽滿鮮甜。海鮮濃湯汁海味香濃，甜甜地，用魚肉沾汁襯托出魚肉嘅鮮嫩。
黑松露水牛芝士 $85﹕黑松露水牛芝士層次十分豐富。水牛乳有濃郁奶香，係自然嘅甜奶味，口感柔軟絲滑。黑松露濃烈嘅香氣，與芝士形成對比。下面放左新鮮番茄，清爽香甜，整體配合清新又輕盈，非常好味。
榛子朱古力醬煎香蕉可麗餅 $48﹕賣相好靚，呢款經典法式甜品，可麗薄煎得夠薄，仲暖笠笠，上面有一層厚厚嘅Nutella，味道勁香甜，仲有香蕉片，香蕉面層有脆卜卜嘅焦糖。蛋有驚喜。
Latte +$18：有靚靚嘅拉花，咖啡原本味道香濃，口感滑溜，鮮奶咖啡比例適中，唔使加糖已經好好味。另外仲有一塊Lotus焦糖餅乾，暖暖又甜蜜。
抹茶青蘋果特飲 $20﹕抹茶底加上青蘋果汁同檸檬嘅配搭，酸甜適中，非常清爽開胃。
全單$606，非常豐富，同閨蜜來一個周末午餐約會。對比上次餐牌轉左唔少，但感覺驚喜度無咁高。
by admin 6 月 15, 2025 | Blog , 外賣 , 小食 , 深圳 , 西餐
深業上城 15/6/2025 16:00
今次點評又抽中咗兩份薯條餐，一份招牌蓋澆薯條加汽水任飲。人流明顯比上次少好多，生意難做了。
和牛風味薯條 36元：薯條新鮮即製，炸到金黃色，好吸引。外層脆脆我，內裡鬆軟，帶薯仔自然甜味，簡單加上少量鹽調味，淨食已不錯。薯條上舖滿牛肉粒，陣陣濃郁牛肉香氣，和牛特有嘅膻香鮮甜，牛油脂完全融入薯條之中，令平凡嘅薯條變得豪華。
雪花芝士薯條 28元
充分展現濃郁奶香與酥脆口感，濃厚嘅芝士粉點綴於薯條上，視覺與味覺雙重吸引。薯條表面灑滿雪花芝士粉，芝士粉質地細膩，啖啖濃郁奶香。除左芝士，仲帶香甜美乃滋，微酸微甜，更加惹味。薯條炸至金黃香脆，完全不見油膩，薯肉鬆軟。芝士粉輕微鹹香與薯條本身香味融合，非常好食。
自助醬料吧已經有更換，酸奶風味醬，多多一陣水果乳酪嘅香味，幾特別。不見黑松露醬，換咗一隻美式酸辣醬。
深業上城 2/3/2025 16:30
今次點評抽中咗兩份薯條餐，一份招牌蓋澆薯條加汽水任飲。
瀑布芝士蓋澆薯條 28元
每份薯條新鮮即炸，熱辣辣。當呢份瀑布芝士薯條實在太澎湃。薯條滿滿，上面有一層厚厚嘅熱溶芝士覆蓋，形成「瀑布」效果，再加上乾爽嘅雪花芝士同香蔥睇落超級邪惡！薯條外皮炸得金黃酥脆，入口就鬆軟綿密，薯味十足，本身有輕微嘅咸度，融化嘅芝士包住每條薯條，入口滑溜。芝士濃郁咸香，帶有香濃奶香，正！
意式肉醬蓋澆薯條 36元
另一份係更加豐富嘅意式肉醬。金黃酥脆的薯條堆得滿滿的，輕淋上一層芝士醬，味道甜甜的，再鋪上厚厚的一層意式肉醬，充滿番茄鮮甜，啖啖牛肉碎，味道就係正宗嘅意粉醬，非常豐富。
最後一定要試吓佢嘅六大醬汁，每一款口味都非常香濃，最特別係黑松露味食得出菇菌味，非常不錯。
勁爽飲品 （6元）又夠凍，而且無限添加實在太爽！
by admin 6 月 15, 2025 | Blog , 小食 , 深圳 , 甜品 , 西餐
深圳in城市廣場 15/6/2025 11:30
點評霸氣積分換領雙人餐。
羽衣甘藍蘋果庫斯米沙拉﹕羽衣甘藍鮮脆，葉片深綠色澤，柔軟同時依然保持著脆度。蘋果作為亮點之一，帶來天然香甜，保留脆口，酸甜相融。庫斯米十分飽足感，細細粒，夾雜芝士香味。沙拉調味用左帶輕盈檸檬汁醋味，酸度與甜度比例到位。
健康蘆筍南瓜湯﹕湯頭非常濃郁，完美結合蘆筍嘅清新與南瓜甜美。口感細滑，粘稠，喝起來極為細膩順口。加入淡忌廉使整體更加濃醇。
墨西哥粟米片﹕入座就贈送嘅香脆前菜，外表金黃色，一咬就能感受輕脆，片狀薄厚適中。加入輕微辣椒粉、孜然和蒜粉等經典墨西哥風味元素，增添辣香。
原石烤春雞﹕賣相非常吸引，香氣撲鼻。烤春雞外皮呈現出醬油誘人色澤，雞皮薄而香脆，帶微微焦香烤味。切開雞肉，肉汁油份流晒出黎。雞肉非常鮮嫩多汁，即使雞胸部位都唔會感乾柴。春雞調味香濃，亦食得出雞肉本身甜味，可算食過最好食嘅烤雞。
法式香煎雞扒﹕兩大塊雞扒份量澎湃，將雞扒外皮香酥，呈現完美嘅金黃色，酥脆可口。雞扒肉質鮮嫩多汁，肉汁豐富，簡單以海鹽、黑胡椒調味，味道咸香惹味，可自行沾上孜然粉加重口味，搭配新鮮車厘茄，清爽。
脆炸直薯條﹕薯條金黃酥脆，內裡保留了馬鈴薯鬆軟綿密，外酥內軟，簡單以鹽作為基礎調料，突顯自然香氣。搭配番茄醬酸甜醒胃。
小熊越獄奶茶﹕小熊造型非常趣緻吸睛，公仔小熊精致完整。奶菜係經典港式奶茶，奶香與細茶香平衡，紅茶有濃郁茶韻，奶香中和了茶底嘅濃烈感，香醇順滑。
椰香奶凍﹕點評打卡送贈甜品。椰奶濃郁香氣，自帶天然甜味，充滿了熱帶風情。質地輕盈細膩，入口即化，甜度適中，非常好食。
整體用餐感覺良好，服務周到，食品質素高。臨走仲送上小風扇做伴手禮，非常識做。
by admin 6 月 14, 2025 | Blog , 小食 , 尖沙咀 , 拉麵 , 日式料理
尖沙咀 14/6/2025 13:30
歷史博物館睇完兵馬俑展覽，就係尖沙咀附近搵食。呢間味吉長龍拉麵，原來係同石亭、沃川居酒屋都係同一個老細，新開分店主打拉麵，即管一試。
海龍 鹽味濃清湯蛤蠣拉麵 $118﹕賣相吸引，拉麵上除左兩大片叉燒之外，仲舖滿大大隻蛤蠣。呢度主打濃清湯，介紹話採用新鮮豚肉豚骨同日本蔬菜熬煮，湯底真係非常清澈，非常鮮甜，清爽唔油膩。呢款湯底就以簡單鹽味為基底，味道恰到好處，加上蛤蠣，湯頭滲透著啖啖天然海味。蛤蠣粒粒脹卜卜非常飽滿，肉質鮮甜多汁，食得出的新鮮。麵條粗細適中，要求嘅硬度都做到。兩大片慢煮叉燒相當驚喜，薄薄一片肉質非常柔嫩，可算一咬即化，而且啖啖豚肉甜香。溏心蛋醬油味香濃，質感滑嫩，蛋黃溏心度剛好。
巨龍 特盛慢煮叉燒濃清湯拉麵 $108: 巨龍真係極度澎湃，叉燒舖滿整個湯碗，份量十足。呢款湯頭係清湯基楚上加上醬油，清湯更加惹味香濃。慢煮叉燒就係一大亮點，每片都肥瘦適中，叉燒都吸滿醬油湯香味。呢碗配料特別加左炸日本牛膀條，炸粉薄薄地加左啲調味，口感爽脆，咸酥可口，驚喜!
午市可以加$38加配一款前食同飲品。
鮮蟹肉忌廉薯餅﹕估唔到細細偉薯餅上疊滿蟹肉同蟹籽，非常誘人。本身薯餅炸得香脆，薯蓉綿密，忌廉多到一咬爆漿，加上鮮嫩蟹肉更加好味，蟹籽脆卜卜，配上酸酸甜甜嘅蛋黃醬，滋味。
自家製魷魚豚肉餃子﹕大大隻餃子，仲有冰花薄脆，外皮仲黃金酥脆。餡料蔬菜豚肉嘅基礎上加上魷魚，本身豬肉餡鮮甜多汁，加上大大粒魷魚，鮮甜彈牙，呢個組合口感豐富相當不錯。
兩支日本飲品口味幾特別，並非平價貨，不錯。
by admin 6 月 8, 2025 | Blog , 中菜 , 尖沙咀 , 港式 , 火鍋
尖沙咀 8/6/2025 12:00
今日來尖沙咀試呢間餐廳，被佢嘅濃湯花膠雞火鍋吸引。
濃湯花膠雞鍋 $198: 湯底淡淡奶黃色澤，入口鮮雞甜味，濃郁醇香但唔油膩，口感幼滑，啖啖膠原。半隻雞份量十足，睇得出非常新鮮，輕輕煮八分鐘撈起。雞肉肥瘦適中，肉質非常嫩滑爽口，雞味濃郁，真係好新鮮。花膠就係另一大亮點，煮過後質地軟腍，吸收晒湯底嘅鮮美精華。
火鍋配菜選擇非常多，多款肉類、海鮮、手工丸、蔬菜等。揀左黑毛豬腩片($108)、鳳城水餃($38)、魚皮餃($38)、魚腐($48)同稻庭烏冬($33)。
黑毛豬腩片層層疊起成山形，用菜墊底，但份量都幾多。肉片肥瘦相間，賣相靚。輕輕煮至熟透，肉質爽滑鮮嫩，食得出天然嘅豬肉鮮甜。肉片仲吸收左雞湯精華，味道更加鮮甜。
鳳城水餃有四大粒，粒粒都脹卜卜，內餡飽滿扎實，餡料係鮮豬肉、蝦仁、木耳等，鮮甜多汁，味道豐富。
魚皮餃外層薄而透明，帶有微微韌性，餡料鮮嫩，淡淡海鮮香，入口既爽滑不失咬勁。
魚腐大大粒，魚味香，幾新鮮，就好似一舊海綿咁吸收晒湯汁，一咬爆汁。
稻庭烏冬絕對係火鍋澱粉質最佳之選。烏冬柔韌富彈性，本身麥味香濃，吸收左湯底精華，口感天滑順更香甜。特別適合作為火鍋的收尾，滿滿飽腹感。
最後飲一啖火鍋湯，味道更加濃縮，超級香甜，雞味咸香更濃，而且膠質豐富，真係非常滋補。兩大兩細都食到飽飽，非常滿足。
by admin 6 月 1, 2025 | Blog , 日式料理 , 深水埗 , 甜品 , 西餐 , 飲品
深水埗 1/6/2025 11:30
經朋友介紹，深水埗舊式大廈發現一間裝修清新簡潔嘅Cafe，到處都有可愛嘅小貓裝飾。
All Day Breakfast $118﹕呢份全日早餐有夠豪華。炒蛋本身非常嫩滑，奶香又有蛋香，再加上黑松露嘅獨特香氣，味道更加提升。雞扒外層煎得微焦，咬開之後雞肉鮮嫩多汁。牛油果口感綿滑，熟度剛好，味道香甜清新。忌廉芝士酸種麵包係一大驚喜，麵包外層酥脆帶嚼勁，內裏柔軟，本身已有滿滿嘅穀物香氣，再塗滿忌廉芝士，多一份咸香奶香。最後仲有希臘乳酪收尾，乳酪質地濃稠潤滑，帶有自然微酸味，相當清爽。呢份早餐可謂顏值與味道兼備，仲非常健康。另加$20加配紐綸堡腸同芝士腸，腸衣外皮勁脆，一咬爆汁，肉味濃郁又有咸香，非常好味。
明太子煙肉蘑菇忌廉汁意粉 $98﹕意粉靚，連隻碟都好靚，將東西風味完美融合。意粉煮至剛好熟度，保留咗輕微嘅彈牙感。忌廉汁濃稠，奶香味香濃，均勻咁黏附喺意粉上。意粉加上煎到脆卜卜咸香味濃嘅煙肉，同埋鮮味野菌，本身呢個配搭已經無敵。再加上日式明太子來一個變奏。明太子咸香，帶有海洋鮮味，伴勻意粉後味道更加豐富。
黑芝麻意式奶凍 $42﹕黑黑實實滑嘟嘟，切開中間就見到奶凍分左兩層。頂部係芝麻味為主，入口已感受到黑芝麻嘅濃香，芝麻味濃烈感慢慢散出，食得出顆粒感。中間係芝麻奶凍，奶味更為突出，口感幼滑，入口即化。淋上少少淡奶，味道更加柔和，整體黎講甜度適中，相當不錯。
牛角窩夫配雲呢拿雪糕 $58﹕兩片牛角窩夫焗到金黃色，大大一個雪糕球加上莓果紅藍相間，賣相非常吸引。牛角窩夫係香脆鬆化口感，中間層層堆疊嘅酥皮，牛油味勁香濃。現烤出爐嘅窩夫仲暖暖地，加上雲呢拿雪糕來一個冰火。雪糕有粒粒雲呢拿籽，口感幼滑黏稠，相信唔係平價貨。加上藍莓同紅桑子都大大粒酸酸甜甜，整體相當平衡，簡約中見心思。
榛子牛奶咖啡 $42﹕一黎已經被香醇濃郁嘅咖啡香氣吸引。一啖飲落去，咖啡與榛子味道恰到好處，咖啡濃郁甘香，口感絲滑柔和，除左奶香，仲帶微甜嘅榛子堅果香。
薄荷特飲 $45：原來係新鮮薄荷加上青檸嘅梳打特飲。酸甜清爽，檸味香濃，加上梳打氣泡嘅刺激感，冰涼又清爽，岩晒而家咁熱嘅天氣，亦為豐富嘅一餐解膩。
呢間小店無論喺裝修風格、食物、餐具盛器都好靚，感覺清新悠閒，好適合享受慢活。老闆娘親切友善，自營小店值得支持。
