深圳南山中心 9/3/2025 19:00
0元探店韓燒二人套餐！
韓香亭韓式燒烤店環境充滿著韓國街頭的濃濃氛圍，環境舒適又清爽，完全不怕滿身煙味！
泡菜酸酸辣辣、醃蘿蔔、海帶絲等韓式小菜種類非常豐富，而且可以無限續加，其中馬鈴薯蓉非常綿密，味道甜甜的，小朋友非常喜歡。而且南瓜粥味道香甜，南瓜味香濃，飲多幾碗都可以。
先來雪花肥牛，睇上去略肥。經燒烤後食得出柔嫩彈性，脂肪融化，微甜醬香與雪花肥牛融合，如用爽脆的生菜葉包裹肥牛就更加清爽。
五花肉厚薄均勻，烤得滋滋作響時，不僅外表焦香內里多汁，搭配鹹鮮味濃的韓式大醬與脆爽的生菜，真心不錯。
燒汁橫膈膜肋經過韓式醬汁的腌製，甜鹹平衡得恰到好處，入口鮮嫩而帶有淡淡焦香，可惜口感較靭。
韓式香腸燒汁脆卜卜，味道香濃。蒜蓉金菇入味，香氣滿滿。
最後，飲番杯冰涼嘅酸梅汁同橙汁，就能解膩。整體服務不錯，店員哥哥全程細心幫燒。
筍崗萬象食家 9/3/2025 12:30
洞洞鞋雞蛋燒 18元
好吃又好玩的搞怪小吃！即叫即整，新鮮熱辣，終於見到實物，忍唔住手機打卡。洞洞鞋這麼可愛，怎麼可以吃？真係立體感十足，似模似樣！雞蛋燒本身鬆軟，蛋香芝士味香濃，內裏濕潤香滑，仲有甜甜粟米粒，味道不錯。
深圳萬象食家 9/3/2025 11:00
點評零探中三鮮過海海鮮自助火鍋二人餐。
聽講極具人氣，所以特別早到。場內見一排自助火鍋區，有各式各樣的鮮活食材，種類豐富，鮑魚、青口、海蝦、白貝等都有。仲有好多火鍋餸料，鮮切牛肉，魚丸公仔麵等。
是次套餐包括兩個鍋底，鍋底提供多種選擇，其中招牌的花膠雞湯底真心不錯。湯頭清甜濃郁，仲有鮮雞件，無論是涮肉，還是煮海鮮，味道都相當夾。另一個番茄湯味道香濃，煮麵一流。火鍋料包括巨型生蠔，大大隻帶子同白貝，海鮮鮮嫩肥美，相當新鮮。牛板腱口感較煙韌，蟹柳較為腍，好快就煮到鬆散。脆毛肚還好。黃金針菇、玉米、生菜都算新鮮。手工麵口感偏軟，但份量算多，都叫夠食。響鈴卷配番茄湯底味道是不錯。打卡送一款黃盆，揀左海膽丸都係來貨款式，味道正常。服務方面算不錯，店員都幾熱心加湯換盤到拾枱。火鍋整體味道一般，可能海鮮較佳，單價唔平，應該有套餐優惠先有興趣試。
馬鞍山 8/3/2025 11:00
一期一會必食！麥當勞玉子將軍漢堡（$34）
鬆軟麵包，餡料有一大件漢堡，香軟多汁。玉子雞蛋煎得剛剛好，蛋黃仲係軟綿綿。生菜脆嫩加點清新。再加上微甜帶微微薑味嘅日式燒汁，微酸蛋沙律醬，太惹味，層次感豐富。
仲有今期新出抹茶麻糬批（$11.5）外皮金黃酥脆，包裹住驚喜滿滿嘅內餡，有翠綠色抹茶奶油餡，帶濃濃嘅茶香，仲有煙煙韌韌嘅麻糬餡，味道微甜，撈埋抹茶醬一齊食剛剛好。
馬鞍山 7/3/2025 12:00
鳳梨番茄鍋
一鼎穀飼牛、新鮮雞 $99
馬鞍山 4/2/2025 12:00
膠原豬王骨鍋
一鼎穀飼牛、新鮮雞 $99
馬鞍山 24/7/2024 12:00
午餐定量肉非常抵食，穀飼牛配鮮雞餐$99。
店內提供多款湯頭選擇，包括濃郁的藥膳湯、微辣的麻辣湯和清爽的昆布高湯。今日揀咗紅燒和牛湯底非常惹味香甜，本身湯底都有幾件牛腩，煮得非常入味。
主菜手切牛肉片都幾鮮嫩，肥瘦適中，輕輕煮熟都幾腍滑。雞件都幾新鮮，有雞味。
火鍋自助區種類豐富，有彈牙手工肉丸、香腸、包心丸、多款新鮮蔬菜菇類。有多款特製醬汁可自由調配，芝麻醬配牛肉最適合。自助飲品區仲有多款汽水、台式果汁飲品。最後自助任食愛文芒併3.5牛乳雪糕，香滑味濃，仲可以加上唔同嘅朱古力配料。
WM Café & Bar ＠馬鞍山
3/3/2025 12:00
雙重芝士黑椒雞肉焗飯 $58
12/1/2025 10:00
意式蕃茄湯餐肉粒通粉配牛乳炒蛋及丹麥多士 $39
蕃茄湯味道非常濃郁，食得出淡淡蕃茄肉，餐肉非常大件，啖啖肉，好惹味。炒蛋嫩滑有蛋香，火腿薄薄一片丹麥多士牛油味香，非常鬆化。仲跟埋飲品，非常抵食。
吉列魚柳、牛乳炒蛋、香腸、火腿、薯餅、丹麥多士 $42
吉列魚柳非常吸睛，超級大塊，炸得香脆，肉質嫩滑，點沙律醬酸酸甜甜好清爽。薯餅香脆油膩，都相當不錯。
加配五香肉丁米粉$6，只需要$6咁大碗好抵食，肉丁份量唔少，而且味道香濃，啖啖肉又夠香辣。
19/12/2024 12:00
慢煮紅酒汁牛肋條意粉 $68
牛肋條非常多，煮得非常腍，醬汁濃郁，入晒味，意粉軟硬度啱啱好。午餐包括龍蝦丼，蒜蓉包同埋飲品，實在太抵食。
26/12/2022 12:00
漢堡包大大個，薯條新鮮即炸脆卜卜。西冷牛扒意粉，大大塊牛扒，加上燒汁。
29/5/2022 12:00
相當喜歡呢間餐廳，午市套餐非常之抵食。每日精選焗雞扒意粉，白汁帶子意粉忌廉味好濃，材料都非常多。最抵食係西冷扒飯，大大塊牛扒非常腍，配上醬汁好撈飯。小朋友就最鍾意食兒童餐，相當豐富，有小食、意粉、飲品、甜品。
